ISO 639-1

ISO 639-1:2002, Codes for the representation of names of languages
Part 1: Alpha-2 code, iku pérangan kapisan saka sèri ISO 639 stadar kodhe basa international standard. Pérangan kapisan nyakup registrasi kodhe rong aksara. Ana 136 kodhe kang kadaftar kang nyakup basa-basa utama ing donya.

Kodhe iki minangka cekakan basa kang migunani kanggo ngenali sawijining basa. Contoné:

• Inggris dicekak en
• Prancis dicekak fr
• Jerman dicekak de (saka endonym Deutsch)
• Jepang dicekak ja (sanadyan endonym-é Nihongo)
• Portugis dicekak pt

ISO 639, minangka standar kodhe basa, ditampa ing taun 1967. Standar iki dipérang dadi loro, lan ing taun 2002 ISO 639-1 dadi révisi anyar saka standar asli. Kodhe pungkasan kang ditambahaké yakuwi ht, makili Haitian Creole ing 26-02-2003. Panggunaan standar iki disurung déning IETF language tag, kang kawanuhaké ing RFC 1766 ing sasi Maret 1995, lan sabanjuré déning RFC 3066 wiwit Januari 2001 lan RFC 4646 wiwit September 2006. Versi saiki yakuwi RFC 5646 wiwit September 2009. Infoterm (International Information Center for Terminology) iku minangka badan registrasi tumrap kodhe ISO 639-1.

Kodhe anyar ISO 639-1 ora ditambahaké yèn wis ana kodhe ISO 639-2, mula sistems kang migunakaké kodhe ISO 639-1 lan 639-2, kanthi kodhe pilihan 639-1, ora usah ngganti kodhe kang wis lumaku.

Yèn kodhe ISO 639-2 kang nyakup saklompok basa dipigunakaké, bisa ditindhih tumrap sawatara basa tinamtu, déning kodhe ISO 639-1 kang anyar.

Kodhe ISO 639-1 ditambahaké sawisé publikasi RFC ing Januari 2001

ISO 639-1	ISO 639-2	Jeneng	Tanggal ditambahaké	Sadurungé dicakup déning
io	ido	Ido	2002-01-15	art
wa	wln	Wallon	2002-01-29	roa
li	lim	Limburgish	2002-08-02	gem
ii	iii	Sichuan Yi	2002-10-14	sit
an	arg	Aragonese	2002-12-23	roa
ht	hat	Haitian Creole	2003-02-26	cpf

Ora ana spésifikasi marangmakrobasa (pirsani ISO 639-3).

Pranala njaba

• ISO 639-1/RA
• ISO 639-2 Registration Authority FAQ