Babirusa

Saka Wikipédia Jawa, bauwarna bébas abasa Jawa
Babirusa
Babyrousa celebensis
Status konsèrvasi
Klasifikasi èlmiah
Krajan: Animalia
Filum: Chordata
Kelas: Mammalia
Ordo: Artiodactyla
Kulawarga: Suidae
Marga: Babyrousa
Jinis: B. babyrussa
Jeneng binomial
Babyrousa babyrussa
Linnaeus, 1758

Babirusa [1][2] duweni jeneng ilmiyah Babyrousa babirussa iku wujude arep padha karo babi. Nanging ukuran awake luwih gedhé tinimbang babi biyasane. Babirusa uga duweni taring kang dawa kang methungul madhuwur nembus nganti tekan monconge. Babirusa kalebu kingdom Animalia, kang duweni teges Babirusa asipat multiselluler, eukariotik, heterotroph, lan bisa pindhah-pindhah. Minangka bageyan saka kingdom Animalia, babirusa kalebu hewanchorda ta, utawa kéwan kang duweni sumbu awak, kalebu sajroning subfillum vertebrata - kéwan kang duweni tulang belakang. Babirusa uga kalebu mammalia.[3]

Babirusa iku kalebu salah siji kewan langka. Kéwan iki akèh ditemokake ing sakupenge Pulau Sulawesi, Pulau Togian, Malenge, Sula, Buru, lan Maluku. Babirusa uripe ing alas-alas hujan tropis. Dawane awake kira-kira 87 cm nganti tekan 106 cm, dhuwure bisa nganti tekan 65–80 cm, abote awake bisa nganti 90 kg. Kéwan iki seneng banget mangan woh-wohan lan tanduran kayadene pelem, jamur, lan gegodhongan. Kéwan iki goleke pakan saben wengi supaya bisa adoh saka kéwan buas kang asring nyerang. Jan-jane babirusa kalebu kéwan kang isinan. Nanging, dhèwèké bisa dadi buas yèn diganggu. Babirusa bisa tahan urip nganti tekan umur 24 Taun. Saiki, cacahe babirusa sansaya sithik, mula kalebu ing daftar kéwan kang dilindungi.[4]

Cathetan Sikil[besut | besut sumber]

  1. ^ (Basa Indonésia)boganinaniwartabone.dephut.go.id Babirusa (kaundhuh tanggal 30 Agustus 2011)
  2. ^ (Basa Indonésia)Wirdateti; Soebekti, Koestoto; Maryanto, Ibnu. 2005. Mamalia Dilindungi di Indonesia (1). Jakarta: PT Musi Perkasa Utama.
  3. ^ (Basa Indonésia)scribd.com Babirusa (kaundhuh tanggal 30 Agustus 2011)
  4. ^ (Basa Indonésia)kidnesia.com Babirusa (kaundhuh tanggal 30 Agustus 2011)


Sumber artikel punika saking kaca situs web: "https://jv.wikipedia.org/w/index.php?title=Babirusa&oldid=1080723"