Asmuni

Asmuni
Lair	Toto Asmnuni
Pakaryan	Aktor, pelawak
Taun aktif	1950-2007

Toto Asmuni (lair ing Jombang, Jawa Wétan, 17 Juni 1932 – pati ing Trowulan, Mojokerto, Jawa Wétan, 21 Juli 2007 ing umur 75 taun, dhèwèké iku salah sawijiné anggota pelawak senior ing Indonésia kang asalé saka grup lawak Srimulat. Kondhang mawa jeneng Asmuni, kondhang ing masarakat karo brengos cilik kaya Charlie Chaplin, nanging bédané dhèwèké ora bisa adoh karo blangkon ing sirahé. Dhèwèké kekancan karo Derry, Ginanjar, Indro Warkop, Cholik, Tukul lan Didin Bagito.

Sanajan dhèwèké kondhang dadi pelawak ing jagad hiburan Indonésia, Asmuni kacathet dadi pelawak kang wis mbintangi pirang-pirang filem lan wis tau péntas ping pirang-pirang, dhèwèké uga tau dolanan ing pangung ludruk kang pancèn iku dadi pagawéyané kanggo nguripi kaluwargané.

Ora mung nyambut gawé dadi bintang lawak ing jagad hiburan Indonésia waé, dhèwèké uga duwé tambahan kanggo nguripi kaluwargané liwat usaha dadi pangusaha. Dhèwèké mbukak omah mangan kang dijenengi Warung Rujak Cingur Asmuni, omah mangan iku ana ning tlatah Trowulan, kabupatèn Mojokerto.Sawisé suksès ing donya usaha iku, dhèwèké uga mbukak cabang ing Slipi, tlatah Jakarta.

Dhèwèké ninggal nalika umur 75 taun, tanggal 21 Juli 2007 ing Trowulan, lan dikubur ning papané lair mbiyèn ya iku ing Diwek, Kabupatèn Jombang.

Filmografi

• Raja Pungli (1977) déning Pitrajaya Burnama
• Gaya Merayu (1980) Wisjnu Mouradhy
• Untung Ada Saya (1982) Lilek Sudjio
• Gepeng Mencari Untung (1983) Lilik Sudjio
• Gepeng Bayar Kontan (1983) Frank Rorimpandey
• Senjata Rahasia Nona (1983) Henky Solaiman
• Semua Karena Ginah (1985) Nya Abbas Akup
• Tahu Sama Tahu (1986) Jopi Burnama
• Kecil-Kecil Jadi Pengantin (1987) Henky Solaiman
• Cintaku Di Rumah Susun (1987) Nya Abbas Akup
• Akibat Terlalu Bebas (1987) A. Rachman
• Akibat Terlalu Genit (1988) Hadi Poernomo
• Nyoman Cinta Merah Putih (1989) Judy Soebroto