Andjar Asmara
| Andjar Asmara | |
|---|---|
 Andjar, 1930 | |
| Lair | Abisin Abbas 26 Fèbruari 1902 Alahan Panjang, Sumatera Kilen, Hindhia-Nèderlan |
| Pati | 20 Oktober 1961 (umur 59) Cipanas, Cianjur, Jawa Barat, Indonesia |
| Bangsa | Indonesia |
| Kondhang ing | Jurnalisme, karya drama, filem |
Abisin Abbas (lair ing Alahan Panjang, Sumatera Kilen, Hindhia-Nèderlan, 26 Fèbruari 1902 – pati ing Cipanas, Cianjur, Jawa Kilen, Indonesia, 20 Oktober 1961 ing umur 59 taun), langkung misuwur kanthi asma Andjar Asmara, inggih punika salah satunggaling panyerat sandhiwara lan sutradara filem.[1] Saderengipun dados panyerat lan sutradara, panjenenganipun naté dados manggalaning ariwarta Doenia Film (1929-1932).[2] Ing taun salajengipun, Andjar mlebet ing jagading sandhiwara kanthi ndhèrèk grup Dardanella.[2] Dados sutradara filem Kartinah (1940), Dimata lan Anggrek Bulan (1948), sarta Gadis Désa (1949).[2]
Seratanipun Andjar naté dipunterbitaken ing kalawarti Bintang Hindia ingkang dipunpimpin Parada Harahap, lan Oetoesan Melayoe. Lajeng Andjar pindhah dhateng Medan lan mimpin harian Sinar Deli, dados anggota redhaksi harian Sinar Soematra. Sasampunipun punika, Andjar kondur dhateng Jakarta, mimpin kalawarti Doenia Film, satunggalipun panerbitan kagunganipun tiyang Walanda. Andjar lajeng medal saking penerbitan kasebat lan dherek pakempalan sandhiwara Dardanella ingkang dipunpimpin Piedro, satunggalipun warga Ruslan. Taun 1937 ndamel kelompok énggal ingkang dipunparingi nama "Bolero". Andjar ugi naté mimpin kalawarti tengah wulanana "Poestaka Timoer", ingkang dipunterbitaken Kolff-Bunning. Nalika jaman Jepang, Andjar njumenengaken rombongan sandhiwara "Tjahja Timoer". Sasampunipun proklamasi, aktif malih ing babagan pers, kanthi nerbitaken harian "Perjoeangan Rakjat" ingkang alamatipun ing Purwakarta, kalawarti "Varia" ingkang dipunterbitaken ing Jakarta.[2]
Filmografi
[besut | besut sumber]
- Kartinah (1940) – sutradara lan penulis
- Noesa Penida (1941) – sutradara lan penulis
- Djauh Dimata (1948) – sutradara lan penulis
- Anggrek Bulan (1948) – sutradara
- Gadis Désa (1949) – sutradara lan penulis
- Sedap Malam (1950) – panyerat
- Pelarian dari Pagar Besi (1951) – panyerat
- Mangsa Bunga di Selabintana (1951) – panyerat
- Dr Samsi (1952) – panyerat
- Noesa Penida (Pelangi Kasih Pandansari) (1988) – panyerat
Pranala njawi
[besut | besut sumber]Anjar Asmara Archived 2010-01-07 at the Wayback Machine.
Cathetan suku
[besut | besut sumber]- ↑ Sutradara dan Penulis Andjar Asmara Archived 2010-01-07 at the Wayback Machine. (dipunundhuh tanggal 2 Maret 2013)
- ↑ a b c d Andjar Asmara Archived 2013-05-02 at the Wayback Machine. (dipunundhuh tanggal 2 Maret 2013)