Amara

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Amara
Amara
Latar wuri
Jeneng lair Tuwuhadijatitesih Amaranggana
Jeneng liya Amara Lingua/Mara
Lair (1975-07-08) Juli 8, 1975 (umur 44)
Indonésia Jakarta, Indonésia
Pakaryan aktris, penyanyi
Taun aktif 1996-saiki
Hubungan
Pasangan Frans Mohede
Anak 3

Amara duwé jeneng dawa Tuwuhadijatitesih Amaranggana (lair ing Jakarta 8 Juli 1975; umur 44 taun).[1] Amara iku salah siji pemain sinétron lan penyanyi Indonésia.[2] Amara uga ana kang ngundang kanthi jeneng Amara Lingua.[2] Iki amarga Amara iku salah siji personèl grup vokal trio Lingua bareng karo Frans Mohede kang dadi bojoné lan Arie.[2] Trio iki ditepungi lan tau nggawé hits kaya ta "Bila Kuingat", "Jangan Kau Henti", "Tak'kan Habis Cintaku", "Aku", "Bintang".[2] Grup vokal iki diwangun karo Yovie Widianto.[2] Nanging wiwit taun 1996, grup musik iki banjur vakum.[2]

Amara banjur miwiti karir ing donyaning hiburan nalika dadi jawara 3 covergirl kalawarti Mode taun 1989.[2] Sawisé iku Amara banjur akting ing filem lan sinétron.[2] Sinétron kang tau dibintangi Amara kaya ta Cinta Tak Pernah Salah, Cintaku Di Rumah Susun, Ketika Cinta Berbunga. Lumantar aktingé ing sinétron iki jenengé sangsaya misuwur.[2]

Amara nikah karo wong lanang kang jenengé Frans Mohede nalika tanggal 1 Dhésèmber 1999 ing Hongkong.[2] Frans Mohede uga personèl Lingua.[2] Saka bebrayanan iki, Amara nduwé anak kang cacahé telung ya iku Mahija Nathaniel Sambarana Aryantawira, Janitra Nathaniel Sambawikrama lan Rajaswa Nathaniel Mohede.[2] Nanging pernikahan iki ora direstui ibuné Amara.[2] Ibuné Amara ora ngrestui amarga Amara lan Frans Mohede iku ngugemi agama kang béda.[2]

Cathetan sikil[besut | besut sumber]

  1. info-artis.com(diundhuh tanggal 3 September 2011)
  2. a b c d e f g h i j k l m n selebriti.kapanlagi.com(diundhuh tanggal 23 September 2011)