Ali bin Abi Tholib

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Bismillahir Rahmanir Rahim Bagéan saka artikel ngenani
Imam Syi'ah
Rolas Imam


  1. Ali bin Abi Thalib
  2. Hasan al-Mujtaba
  3. Husain asy-Syahid
  4. Ali Zainal Abidin
  5. Muhammad al-Baqir
  6. Ja'far ash-Shadiq
  7. Musa al-Kadzim
  8. Ali ar-Ridha
  9. Muhammad al-Jawad
  10. Ali al-Hadi
  11. Hasan al-Askari
  12. Muhammad al-Mahdi

Ali bin Abi Tholib iku salah sijiné khalifah, miyos wonten ing Mekah taun 599 Masehi. Sahabat raket sarta mantuné Rasulullah saw, uga seduluré Rasul saka garis keturunan Abdul Mutholib. Ali uga salah sijiné saka papat Khulafaur Rasyidin (Abu Bakar Ash Shidiq, Umar bin Khattab, Utsman bin Affan, lan Ali bin Abi Tholib) kang dadi pambéla nabi lan nyebaraké Islam sapungkuré Rasululloh SAW.

Jeneng asliné yaiku Haydar bin Abu Tholib, putra saka pakliké Nabi Muhammad SAW. Asma ibuné Fatimah binti Asasd. Haydar artiné singa, yaiku salah sijiné penggayuh kang dikepéngini Abu Tholib suk mbèné dadi petarung sejati ing kalangan suku-suku Quraisy. Jeneng Ali pèwèhan saka Muhammad kang artinè dhuwur drajatè ing sandhingè Allah SWT.

Wiyosan lan Jaman ciliké[sunting | sunting sumber]

Ramané Ali, Abu Tholib iku sing kajibahan bahureksa Ka'bah lan sesepuh ing Bani Hasyim. Bani Hasyim iku salah sawijining wangsa penting ing Suku Quraisy. Abu Tholib iku klebu pamané Muhammad. Ibuné Ali, Fatimah binti Asad, iku uga klebu Bani Hasyim. Iku artiné, Ali iku anak turuné Ismail, putra Ibrahim.[1]

Sawetara sumber nyebutaké yèn Ali iku lair ing njeroning Ka'bah lan nalika iku telung dina bebarengan karo kanjeng Ibu. Muhammad njenengi Ali sing artiné "sing dimulyakaké."

Muhammad klebu cedhak karo wong tuwané Ali. Nalika Muhammad dadi bocah lola lan banjur ditinggal séda simbahé, Abdul Muttolib, Abu Tholib sing banjur ngopèni Muhammad. Ali iku lahir 2-3 taun sawisé Muhammad dhaup karo Khadijah binti Khuwaylid.[2] Nalika Ali ngancik umur udakara lima utawa enem tahun, kahanan lagi susah kanggo Abu Tholib. Mula saka kuwi, Muhammad banjur nggulawentah Ali.[3] Mula saka kuwi, Ali disebut ora naté milut agama liya saliyané Islam.

Pranala Jaba[sunting | sunting sumber]

Biografi Tokoh Dunia

  1. ^ Ashraf 2005, p. 5
  2. ^ Ashraf 2005, p. 6 and 7
  3. ^ Ashraf 2005, p. 7
Sumber artikel punika saking kaca situs web: "http://jv.wikipedia.org/w/index.php?title=Ali_bin_Abi_Tholib&oldid=833721"