Mehmed VI

Saka Wikipédia Jawa, bauwarna mardika basa Jawa
Sultan Mehmed VI

Mehmed VI (basa Arab: محمد السادس), jeneng asli Mehmed Vahdettin utawa Mehmed Vahideddin, (14 Januari 186116 Mèi 1926) iku sultan angka 36 Kasultanan Utsmaniyah, mengku kalungguhan watara taun 19181922. Panjenengané uga Khalifah Utsmani angka 28. Seduluré Mehmed V Reshat, panjenengané munggah tahta amarga nglaluné Yusuf Izzetin, pawaris tahta. Panjenengané mengku tahta wiwit tanggal 4 Juli 1918, minangka padishah angka 36.

Perang Dunia I njalari bebendu kanggo Kasultanan Utsmaniyah. Angkatan Inggris wis ngrampas Baghdad lan Jerusalem suwéné perang lan sapérangan gedhé kakhalifahan bakal didum-dumaké marang kuwasa Eropah. Sajeroning konfrènsi San Remo sasi April 1920, Prancis wis diwènèhi mandhat marang Suriah lan Britania Raya wis diwènèhi mandhat marang Palestina lan Mesopotamia. Nalika tanggal 10 Agustus 1920, pawakilan Mehmed nandhatangani Pasetujon Sevres, kang ngakoni mandhat iku, nguwalaké kendhali Ottoman marang Anatolia lan Izmir, ngilangaké pawiyaran Turki, lan ngakoni Hejaz minangka nagara mardika.

Golongan nasionalis Turki muntab karo pasetujon Sultan marang pamukiman-pamukiman mau. Sawijining papréntahan anyar, Majelis Nasional Agung Turki, dibawahi Mustafa Kemal (Atatürk) wis kawangun nalika sasi April 1920, pusaté ing Ankara. Nalika tanggal 23 April, papréntahan Mehmed dibubaraké lan konstitusi sauntara disahaké.

Kasilé golongan nasionalis gawé kakuwasan sultan dibubaraké tanggal 1 November 1922, lan Mehmed ninggal Istanbul, numpak kapal perang Inggris tanggal 17 November. Nuju Malta kanggo eksil, Mehmed banjur manggon ing Riviera Italia.

Panjenengané tilar donya tanggal 15 Mèi 1926 ing San Remo, Italia. Nalika tanggal 19 November 1922 sepupuné diangkat minangka khalifah minangka Abdul Mejid II.


Didhisiki déning:
Mehmed V
{{{jabatan}}}
19181922
Diganti déning:
Republik Turki sangisoré Kemal Atatürk
Didhisiki déning:
Mehmed V
{{{jabatan}}}
19181922
Diganti déning:
Abdul Mejid II