Mesopotamia
| Mesopotamia kuna |
|---|
 |
| Eufrat • Tigris |
| Kutha / Karajan |
| Sumeria: Uruk • Ur • Eridu |
| Kish • Lagash • Nippur |
| Karajan Akkadia: Akkad |
| Babilonia • Isin • Susa |
| Asyur: Assur • Niniwe |
| Dur-Sharrukin • Nimrud |
| Babilonia • Khaldea |
| Elam • Amori |
| Hurrian • Mitanni |
| Kassit • Urartu |
| Kronologi |
| Raja-raja Sumeria |
| Dhaptar raja Asyur |
| Dhaptar raja Babilonia |
| Basa |
| Aram |
| Sumeria • Akkadia |
| Elam • Hurria |
| Mitologi |
| Enûma Elish |
| Gilgames • Marduk |
Mésopotamia iku tlatah sing dumunung ing antara loro kali gedhé, Eufrat lan Tigris. Dhaérah sing saiki dadi wilayah Republik Irak iku ing jaman biyèn diarani Mésopotamia, sing jroning basa Yunani tegesé "(dhaérah) ing antara kali-kali". Jeneng Mésopotamia wis dipigunakaké déning para penulis Yunani lan Latin kuna, kaya Polybius (abad 2 SM) lan Strabo (60 SM-20 M).
Miturut keyakinan Kristen lan Yahudi kaya jroning Prejanjèn Lawas, ana usaha ngubungaké kulawarga Abraham (sing banjur disebut "Bapa Orang Beriman" lan diakoni déning telu agama monoteistik donya, Islam, Kristen, lan Yahudi ) karo Mésopotamia. Jroning kitab Kedadéyan 11,31 disebutaké, ing sawijining mangsa kulawarga Abraham pindhah saka Ur- Kasdim menyang Haran sadurungé wusanané pindhah menyang Kanaan (Dhaérah Israel lan Palestina saiki). Lokasi Ur-Kasdim biasané dirujuk ing Tell el-Muqayyar, situs tilas reruntuhan Kutha Ur kuna saka periode Sumeria. Nanging, akèh ahli isih tidha-tidha marang usulan iki. Déné Haran dumunung ing pérangan lor Mésopotamia, ing gisiking Kali Eufrat.
Sajarah Mésopotamia [sunting]
Sajarah Mésopotamia diwiwiti kanthi tuwuhing sawiji peradaban, sing diyakini minangka pusat peradaban paling tuwa ing donya, déning bangsa Sumer(ia). Bangsa Sumeria mbangun sawetara kutha kuna sing misuwur, ya iku Ur, Ereck, Kish, lll. Rawuhé tokoh imperialistik saka bangsa liya sing uga manggon ing kawasan Mésopotamia, bangsa Akkadia, dipimpin Sargon Agung, nyatané ngayahi penaklukan pulitis, nanging ora penaklukan kultural. Malah jroning manéka budaya Sumer lan Akkad ngalami prosès akulturasi, saéngga éra kapemimpinan iki kerep disebut Jilid Sumer-Akkad. Campur tangan Sumer ora bisa dirèmèhaké, nalika Akkad kadhesek déning bangsa Gutti, bangsa Sumer sing ndhukung Akkad, saéngga isih bisa kuwasa ing "tanah antara rong kali" kasebut.
