Lèmpèng tèktonik

Prakata

Tectonics plates (preserved surfaces)

Lèmpèng tèktonik iku bagéyan-bagéyan kerak bumi sing ngambang ing dhuwur lapisan lembèk (kaya ès krim) sing umum diarani astenosfer. Bagéyan-bagéyan lèmpèng iku obah sacara bébas, bisa silih gèsèk utawa silih dhesek. Gèsèkan utawa surung-surungan ing antara lèmpèng iku sing umum gawe lindhu tektonik.

Teori lèmpèng tektonik iki dimunculaké Alfred Wegener ing bukuné The Origin of Continents and Oceans (1915) sing nyebut yèn lèmpèng-lèmpèng sing gawé kerak bumi iku sakjané ngambang ing dhuwur lapisan lembèk tur obah terus-terusan (Teori continental drift), wates saben lèmpèng iku tandané yaiku ing jalur gunung geni donya.

Lèmpèng tektonik iku wujudé ana 2 yaiku kerak samudra lan kerak bawana sing loro-loroné mbentuk kerak bumi.

Lèmpèng-Lèmpèng Tektonik

Ana 7 lèmpèng tektonik utama sing mbentuk kerak bumi yaiku:

1. lèmpèng Afrika
2. Antartika
3. Australia
4. Eurasia
5. Amerika lor
6. Amerika kidul lan
7. Pasifik

Saliyane iku isih ana lèmpèng-lèmpèng liya sing luwih cilik antarane:

• Cocos
• Nazca
• India
• Bismarck
• Carolina
• Filipina
• Juan de Fuca
• Karibia
• Arab
• Skotia
• lan liya-liyane

Patemon Antar Lèmpèng Tektonik

Ana telu wujud patemon utawa interaksi antar lèmpèng-lèmpèng tektonik yaiku:

• Divergen
• Konvergen lan
• Transform

Sing ndrawasi iku sing konvergen.