Kerak bumi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gambar lapisan-lapisan bumi

Kerak bumi iku lapisan paling njaba planet bumi sing kasusun saka pirang-pirang lèmpèng téktonik. Lapisan iki ana 2 wujudé yaiku kerak/lèmpèng samudra lan lèmpèng benua. Lèmpèng samudra iku umumé luwih tipis tinimbang lèmpèng benua. Lèmpèng-lèmpèng téktonik iku obah terus, siji lan sijiné padha tubruk-tubrukan. Kerak bumi iku lapisan bagéyan bumi sing paling dhuwur dhéwé.[1] Bagéyan kerak bumi kuwi subur amarga ngandhut lemah humus kang akèh sing gawé tanduran thukul subur. Kerak bumi iku adem lan padet ngapung ing dhuwur lapisan mantel sing awujud cair liat.[2]

Tumpukan kerak bumi katebelane udakara 5-7 kilometer saka ngisor samudra lan 30-80 kilometer ing ngisor daratan benua. [3] Ing ngisor kerak bumi ana selubung kang sifate lembek. Batas tumpukan kerak bumi karo lapisan selubung ditemukake marang ilmuwan saka Negara Kroasia jenenge Andrija Mohorovicic tahun 1909. [3]

Kerak Bumi saged disebat crust. Tumpukan kerak bumi iki kang ana ing bagian paling luar sing katebelane 6-50 kilometer.[2] Kandelé tumpukan iki ora pada ing panggonan liyane, ing benua tebel tumpukan 20-50 kilometer, ing samudra 0-5 kilometer utawa bebarengan karo banyu kang saka dhuwur udakara 6-12 kilometer.[2]

Kerak bumi kang kasusun saka materi-materi padet sing kaya silium lan uluminium. Kerak bumi dibagi dadi 2 bagiyan, yaiku:

  1. Lapisan Granitis yaiku lapisan sing kaya watu granit, lapisan iki uga mboten ditemuake ing dasar samudra.[2]
  2. Lapisan Basaltis yaiku lapisan sing duwe material basalt[2]

Kerak bumi saged owah saka asale lan uga bisa dadi bencana alam kanggo makhluk hidup. Miturut, kasimpulan para peneliti saka tim Geologi Bandung yaiku geseranipun kerak bumi ing Fatuleu uga terus dadi kanyatan. Kanthi mungkinake kadaden putusan kang gedhe sing bisa dadi wilayah Kabupaten Kupang kabelah dadi loro bageyan. [4]

Mupangat kerak bumi[sunting | sunting sumber]

mupangat kerak bumi yaiku saka watu kang diasilake saka jero kerak bumi iki. Watu-watu sing ana ing kerak bumi, miturut kahanane kabentuk saged dikelompokake dadi telu, yaiku:

  • Watu endapan (sedimen), yaiku watu asil pangendapan material-material alus sing digawa karo banyu kali, sateruse diendapke ing ngisor samudra. Tambah suwe watu kasebut madet lan dadi watu. [5]
  • Watu beku (igneous), yaiku watu kang kabentuk saka magma sing dadi adem lan dadi atos. Watu iki kabentuk sakjalur pinggir lempeng lan ing daerah panas kang asilake magma. [5]
  • Watu malihan (metamorf), yaiku watu kang kabentuk saka desekan lan kahanan suhu sing dhuwur. Desekan lan suhu kang dhuwur iku saged mampetake lan ngremukake watu kang wis ana sadurunge, wujude watu beku utawa watu endapan. [5]

Rujukan[sunting | sunting sumber]

  1. ^ Azmiyawati, Choiril. 2008. IPA 5. Jakarta: Pusat Perbukuan Departemen Pendidikan Nasional.
  2. ^ a b c d e (id)Mengenal Struktur Lapisan Bumi(kaunduh 8 Juni 2012)
  3. ^ a b (id)Lapisan Kerak Bumi (kaunduh 9 Juni 2012)
  4. ^ (id)Patahan Kerak Bumi Ancam Warga Kupang (kaunduh 9 Juni 2012)
  5. ^ a b c (id)Lapisan Kerak Bumi (kaunduh 9 Juni 2012)


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Kerak_bumi&oldid=805080"