Konnyaku

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Konnyaku
Klasifikasi èlmiah
krajan: Plantae
(unranked): Angiosperms
(unranked): Monocots
ordo: Alismatales
kulawarga: Araceae
Subkulawarga: Aroideae
Suku: Thomsonieae
Genus: Amorphophallus
Species: A. konjac
Jeneng binomial
Amorphophallus konjac
K. Koch
Sinonim

A. rivieri

Konnyaku (Amorphophallus konjac; Basa Inggris : konjac; Jepang: 蒟蒻/菎蒻; こんにゃく; konnyaku; basa Korea: 곤약; gonyak; (zh)

) menika jinising tuwuhan uwi-uwinan kanthi anggota genus Amorphophallus ingkang tuwuh ing ing dhaérah subtropis ingkang anget dumugi dhaérah tropis kados ing Asia Wetan, Jepang, Cina kidul dumugi ing Indonesia. Sebatan sanèsipun wonten ing basa asing inggih menika konjak, konjaku, devil's tongue, uatwi elephant foot yam (sanajan nama pungkasan menika kanggé suweg A. paeoniifolius) Konnyaku kalebet tuwuhan taunan ingkang tuwuh saking uwi ageng kanthi diameter 25 cm. Uwi menika modifikasi saking awaking wit. Godhongipun mawi ukuran 1,3 m saking pangkal, menyirip, lan kapérang dados manéka selebaran. Sekaripun dipundamel ing seludang sekar (spatha) ingkang dipunjagi déning selembar godhong (braktea) kanthi warna ungu peteng mawi ukuran dumugi 55 cm.

Sajarah[sunting | sunting sumber]

Konnyaku kapisan dipuntepangaken déning bangsa Jepang minangka jampi nalika abad kaping lan sampun dados dhaharan padintenan kirang langkung 1500 taun.

Mupangat lan budidaya[sunting | sunting sumber]

Konnyaku gel
Sashimi konnyaku.

Konnyaku menika tuwuh wonten ing India, Cina, Jepang, lan Korea. Uwinipun ngandhut kathah pati ingkang dipundamel glepung lan jeli kanthi nama ingkang sami. Prouk menika déning para vegetarian dados gantosipun gelatin. Konnyaku Jepang dipundamel kanthi cara nyampur glepung konjak kalihan toya lan toya kapur. Hijiki asring dipuntambahaken minangka karakterisitik warna peteng lan raos. Tanpa aditif kanggé werna, konnyaku menika putih pucet. Lajeng dipungodhog lan dipundhemake kangge damel rasa sansaya kuwat. Konnyaku dipundamel kanthi wujud mie menika dipunsebat shirataki (pirsani mie shirataki) lan dipunginakaken wonten ing dhaharan kados sukiyaki lan gyudon. Konnyaku dipunkonsumsi ing wilayah provinsi Sichuan China; ingkang uwi moyu dipunsebat(魔芋, utawi keladi setan), lan jeli dipunsebat "tahu konnyaku" (魔芋豆腐 moyu doufu) utawi "salju konnyaku" (雪 魔芋 xue moyu). Uwi garing saking tuwuhan konnyaku menika ngandhut kirang langkung 40% glukomannan. Menika polisakarida damel jeli konnyaku kenyal sanget. Konnyaku menika mawi serat ingkang inggil lan boten wonten kandhutan kalori Awit saking menika, konnyaku asring dipunginakaken minangka dhaharan tiyang ingkang nembé diet [1]. Menawi konnyaku mawi bahan dhasar alami saking uwi tuwuhan konnyaku, ager-ager dipundamel saking rumput laut. Sabajan gadhah kandhutan serat ingkang sami, tekstur konnyaku langkung kenyal katandingaken kalihan agèr-agèr.

Cara damel konnyaku[sunting | sunting sumber]

Proses anggenipun damel konnyaku murni, gampil lan boten ngasilaken polusi. Uwi konnyaku dipunkumbah lajeng dipuntugel-tugel. Bibar menika uwi kasebut dipunpépé dumugi garing lajeng dipuntutu dumugi alus dados glepung. Tepung menika lajeng dipuncampur kalihan toya lan dipunudhak. Sasampunipun dipunudhak dumugi rata, konnyaku dipunlebetaken ing cithakan lan dipungodhog. Wonten ing masakan Jepang, konnyaku medal wonten ing sajian kados Oden.

Asiling panalitèn[sunting | sunting sumber]

Konnyaku menika kalebet dhaharan alami ingkang ngandhut toya (97%) lan glukomanan utawi serat dhaharan. (3%) Konnyaku ugi kathah mineral lan andhap kalori. Konnyaku ugi boten ngandhut lemak [2]. Satunggaling studi nedahaken bilih konnyaku saged mbiyantu njagi kasarasan. Konnyaku boten saged dipuncerna déning sistem pancernaan, awit saking menika konnyaku ingkang kenyal menika saged mbiyantu ngresiki regedan saking sisa-sisa dhaharan ingkang wonten ing sajroning usus ageng saéngga nyingkiri sembelit.tidak dapat mudah mengalami sembelit.

Cathetan suku[sunting | sunting sumber]

  1. ^ (id) Konyaku Menyapu Saluran Cerna, (dipunakses tanggal 2 Maret 2013)
  2. ^ (id) Manfaat Konnyaku, (dipunakses tanggal 2 Maret 2013)

Pranala njawi[sunting | sunting sumber]

Commons-logo.svg
Wikimedia Commons gadhah galeri bab:
Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Konnyaku&oldid=837019"