Oden

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Oden

Oden (おでん utawa 御田?) yaiku sakabehing bahan kang digodhog ing duduh (dashi) kang digawe saka katsuobushi, kombu, lan kecap asin. Bahan pangan kang dilebokake bisa maneka warna lan ora winates mung lobak, konnyaku, endhog godhog, lan chikuwa.

Oden mujudake panganan kang dipangan ing mangsa adhem, dianggo gadhon nalika isih panas-panas. Panganan iki mujudake jajanan utawa kanca ngombe sake. Saperangan irisan oden disundhuk nganggo sujen supaya gampang anggone mangan. Oden padatan dipangan nganggo mustard, nanging ana uga wong-wong ing saperangan wewengkon ing Jepang mangan oden nganggo saos legi saka miso.


Bahan kanggo nggawe duduh (dashi) lan isi oden maneka warna miturut saka tlatah lan kasenengane wong kang nggawe. Isine oden padatan produk panganan dai kang wis mateng lan akeh didol ing toko. Oden ing Kansai digodhog nganggo duduh kang padatan luwih kenthel lan luwih asin tinimbang oden ing Kanto kang ora patiya asin. Ing Kansai, oden kang duduhe kenthel diarani Kanto-ni (godhogan cara Kanto). Ing Taiwan, panganan iki diarani Oren (黑輪), dene ing Shanghai diarani Aódiǎn (熬点).


Sumber artikel punika saking kaca situs web: "http://jv.wikipedia.org/w/index.php?title=Oden&oldid=832325"