Sashimi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sashimi
Sashimi iwak Hiramasa utuh

Sashimi (刺身?) iku panganan Jepang arupa panganan asal segara kanthi kasegaran prima sing langsung dipangan jroning kahanan mentah bebarengan karo bumbu kayadéné kecap asin, parutan jaé, lan wasabi.

Panganan saka segara kaya seperti iwak, kerang, lan urang karang disuguhaké jroning wangun irisan cilik sing gampang disantap, déné urang ukuran cilik ana sing mung dioncèki kulit lan dibuwang ndhasé waé.

Tsuma iku sebutan kanggo bahan panganan tambahan sing bisa arupa lobak sing dirajang dawa-dawa cilik-cilik, godhong awerna ijo sing diarani Oba (Aojizo), utawa suket segara kaya Wakame lan Tosakanori.

Sashimi uga ateges nikmati jroning kahanan mentah, wiwit saka potongan mentah daging jaran (Basashi), iwak pitik (Torisashi), ati pitik utawa ati sapi, nganti potongan Konnyaku lan kembang tahu sing diarani Yuba.

Ing dhaérah Kansai, sashimi luwiih dikenal kanthi sebutan O-tsukuri.

Sajarah[sunting | sunting sumber]

Ana panemu sing mratélakaké yèn kabiasaan mangan potongan daging seger tanpa dimasak iku padha tuwané karo sajarah manungsa, ananging kabiasaan iki bisa terus ana utawa ilang gumantung marang kondisi lingkungan panggonan uripé. Jepang minangka negara kapuloan kanthi asil segara seger sing bisa dinikmati sadawaning taun, saéngga kabiasaan nikmati panganan segara seger tanpa dimasak terus lumaku. Aaa uga panemu sing ngandhakaké tembung Sashimi asal saka tembung Namashishi (生肉? daging mentah) utawa Namasuki (生切? potongan seger).

Jinis-jinis sashimi[sunting | sunting sumber]

  • Tsugatazukuri
Potongan-potongan iwak disusun ing sadhuwuring iwak sing dijaga wanguné wiwit saka bagéan endhas nganti buntut. Sashimi jinis iki akèh-akèhé mung dinikmati ing acara istimewa.
  • Ikezukuri
Tsugatazukuri iku iwak urip sing didadèkaké sashimi mung sawetara wektu saduruné dihidangaké.
  • Tataki
Potongan iwak sing digarang kanggo sawetara wektu ing sakdhuwuring geni nganti katon mateng ing sisih njaba, seger ing sisih jero. Tataki iwak cakalang (Katsuo) dipangan nganggo saus Ponzu, parutan bawang putih lan irisan godhong bawang.

Pranala jaba[sunting | sunting sumber]

Logo Wikimedia Commons
Pirsani galeri bab Sashimi ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Sashimi&oldid=815800"