Épifani

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Taun Liturgi
Gréja Ritus Kulon
Gréja Ritus Wétan

Épifani, saka basa Yunani Koine sing tegesé "Manifèstasi" utawa "Mijilé" utawa "Panampilan" yaiku sawijining dina riyaya kaagaman Kristen ing tanggal 6 Januari sing ngriyayakaké wahyu Allah minangka manungsa yaiku Yésus Kristus utawa mijilé/manifèstasi Yésus Kristus marang donya jroning wangun wiyosan-Dalem. Jroning Gréja Ritus Kulon uga Wétan duwé pamahaman sing padha ngenani Épifani iki yaiku Manifèstasi Yésus Kristus marang donya, nanging ngayati prastawa sing béda. Jroning Gréja Kulon, Épifani kanggo mèngeti tekané Wong-wong Majus saka Wétan utawa sok-sok disebut Telu Raja, sing nekani Yésus sing nembé waé lair, sing nuduhaké Manifèstasi Bayi Yésus Kristus marang wong Yahudi uga ing sanjabaning bangsa Yahudi (ateges saindhenging donya) minangka Putra Allah. Nanging jroning Gréja Wétan kanggo mèngeti pambaptisan Yésus Kristus déning Yohanes Pembaptis ing kali Yordan, sing nuduhaké Manifèstasi Yésus Kristus wiwit miwiti karya Leladi Dalem minangka Putra Allah utawa asring uga disebut Téofani.

Jroning Gréja Wétan, Épifani uga dadi pucuk riyaya mangsa Natal utawa riyaya Kalairan Yésus Kristus, sing dipèngeti wiwit saka tanggal 25 Desember nganti tekan 5 Januari saben taun.

Sumber artikel punika saking kaca situs web: "http://jv.wikipedia.org/w/index.php?title=Épifani&oldid=861596"