Ritus Latin
| Bagian saking sèri bab Gréja Katulik |
|
 |
|
| Organisasi | |
|---|---|
|
Paus: Benediktus XVI |
|
| Latar Wingking | |
|
Sajarah • Kristianitas |
|
| Teologi | |
|
Trinitas (Hyang Rama, Hyang Putra, Hyang Roh Suci) |
|
| Liturgi lan Peribadatan | |
|
Liturgi Katulik Roma |
|
| Ritus | |
|
Romawi • Armenia • Aleksandria |
|
| Topik-topik Katulik | |
Ritus Latin iku istilah sing digunakaké déning dhokumèn-dhokumèn Gréja Katulik kanggo Gréja Katulik Kulon, sing béda karo Gréja-gréja ritus Wétan, sing mawiyar ing Eropah kulon lan Afrika lor, ing ngendi basa Latin arupa basa pendhidhikan lan kabudayan. Istilah sing liya yaiku Gréja Latin, sing digunakaké, tuladhané, jroning pambukaan kanon saka edhisi 1917 lan 1983 saka Kitab Hukum Kanonik Gréja.
Istilah ritus Latin uga digunakaké kanggo ngrujuk marang siji utawa luwih wangun liturgi suci sing digunakaké ing manéka bagéyan saka Gréja Latin iki. Liturgi-liturgi iki klebu ritus Roma sing dipigunakaké sacara wiyar, ritus Ambrosius saka Milano lan wilayah-wilayah sakupengé, lan ritus Mozarabik, sing digunakaké sacara winates ing Spanyol, utamané ing Toledo. Ritus-ritus liturgis Latin liyané umumé wis ora digunakaké manèh, klebu akèh-akèhé ritus sing dipraktikaké déning sapérangan ordo kaagaman nganti ora suwé sawisé Konsili Vatikan II.
Sok-sok istilah "Katulik Roma" dianggep sinonim karo "ritus Latin", senajan tembung iku ora tau digunakaké sacara resmi jroning dhokumèn-dhokumèn Gréja Katulik dhéwé.
Ritus Latin dibédakaké karo sing liya-liyané dudu mung amarga panggunan liturgi-liturgi ritus Latiné, nanging uga déning sifat-sifaté kayata tuladhané Sakramèn Krisma mung diwènèhaké sawisé sawijining bocah nggayuh umur nalar (nanging ora kudu nganti pra-remaja), kewajiban selibat kanggo para imam, pangangkatan langsung uskup déning Paus. Nganti wates-wates tinentu, Gréja Katulik ritus Wétan béda karo Gréja Latin jroning babagan-babagan iki. Tuladhané, panahbisan imam (nanging ora nganti tingkat uskup) bisa dilakokaké déning wong sing wis palakrama, lan para patriarch Wétan sarta kauskupan agung utama Gréja-gréja milih para uskup kanggo wilayahé dhéwé (lan dudu ing sanjabané) lan saka Paus mung antuk surat pangakuan.
Hukum kanon kanggo Gréja ritus Latin dikodhifikasikaké jroning Kitab Hukum Kanonik Gréja nalika taun 1917, lan jroning edhisi sing anyar sing dirumusaké déning Paus Yohanes Paulus II taun 1983.[1]
