Menyang kontèn

Zygomycota

Saka Wikipédia Jawa, bauwarna mardika basa Jawa

Zygomycota iku salah sijiné divisi ing Jamur. Jamur iki dijenengi Zygomycota amarga gawé spora istirahat kang duwé dhindhing kang kandel kang dijenengi Zigospora. Zygomycota urip ing darat, ing lemah utawa ing luwihan organisme kang wis mati. Zygomicota duwé miselium kang duwé akèh pang lan ora duwé sekat.[1] Hifané duwé sipat senositik.[1] Zygomicota iku lumrahé dienggo kanggo nggawé témpé yaiku Rhizopus oryzae lan kanggo tapé yaiku Mucor javanicus.[2] Rhizopus iku péranganing Zygomicota. Miselium ing Rhizopus ana telu jinisé yaiku:

  • Stolon yaiku hifané gawé jaringan ing lumah papan kang ditémpéli.[1]
  • Rizoid yaiku hifané tembus mara jero papan kang ditémpéli lan fungsiné dadi jangkar kanggo nyerot panganan.[1]
  • Sprangiofor yaiku hifané tukul ngadeg jejeg ing permukaané papan kang ditémpéli lan duwé sporangium gobuler ing pucuké.[1]

Cara réprodhuksi Zygomicota bisa séksual lan aséksual.[1] Réprodhuksi séksual yaiku nganggo cara konjugasi.[1] Réprodhuksi aséksual yaiku nganggo spora nonmotil kang dikasilaké déning sporangium.[1] Reproduksi sèksual Rhizopus iku kaya ngéné:

  • pang kang cendhek kang jinisé positip lan pang kang jinisé negatip saka Rhizopus liya ketemu pucuké.[1]
  • tukul sekat ing ngisor pucuké hifa[2]
  • gamét saka Rhizopus loro iku ketemu lan nggabung dadi zigot[2]
  • Zigot dadi Zigospora kang duwé zigosporangium kang duwé lapisan kang kandel kang fungsiné dadi pelindhung[2]
  • Zigospora lumebu ing periode dormansi utawa ora nglakokaké aktivitas metabolisme, telung wulan suwéné.[2]
  • Zigospora dadi kecambah, ing fase iki Zigospora meiosis lan hifa haploid cendhek tukul.[2]
  • Hifa haploid gawé sporangium kang gawé spora aséksual.[2]
  • Spora aséksual gawé miselium anyar.[2]

Anggota

[besut | besut sumber]

Cathetan suku

[besut | besut sumber]
  1. ↑ a b c d e f g h i (Pratiwi, D.A.(2007)."Biologi SMA untuk Kelas X Jilid 1".Jakarta:Erlangga. Hal.92)
  2. ↑ a b c d e f g h (Pratiwi, D.A.(2007)."Biologi SMA untuk Kelas X Jilid 1".Jakarta:Erlangga. Hal.93)

Pranala njaba

[besut | besut sumber]
Wikispecies duwé tetélan sing gegayutan: Zygomycota
Wikimedia Commons duwé médhia ngenani Zygomycota.


Dijupuk saka "https://jv.wikipedia.org/w/index.php?title=Zygomycota&oldid=1690732"