Wasabi

Saka Wikipédia Jawa, bauwarna bébas abasa Jawa
Wasabi
Wasabi, Iwasaki Kanen 1828.jpg
Wasabi (lukisan Iwasaki Kanen, 1828)
Klasifikasi ngèlmiah
Karajan: Plantae
Dhivisi: Magnoliophyta
Klas: Magnoliopsida
Ordho: Brassicales
Famili: Brassicaceae
Génus: Wasabia
Spésies: W. japonica
Jeneng binomial
Wasabia japonica
Matsum.

Tanduran wasabi ya iku tanduran kang ana ing Jepang.[1] Tandhuran iki duwé roso pedhes, lan nyegrok ing irung.[1] Saliyané ditandur ing tegalan, wasabi uga biso di tandhur ing banyu.[1] Wasabi asring kanggo bumbu ing masakan Jepang, kyata sashimi, sushi, soba, lan ochazuke.[1][2] Godhong, pang, lan rimpange ambune wangi, rasané pedhes, nanging béda karo pedhese lombok.[1]

Ing sajeroni tanduran wasabi iku ngandung unsur kimia kang ndadèkaké rasa wasabi pedhes, tuladhané: isotiosianat utawa ing jeneng kimiane (6-methylthiohexyl isothiocyanate, 7-methylthioheptyl isothiocyanate, lan 8-methylthiooctyl isothiocyanate).[1] Unsur kimia iki duwé sipat antimikroba kang bisa nyegah rikat thukulé baktèri.[1]

Sajarah[besut | besut sumber]

Budidaya wasabi diwiwiti wiwit taun 1596-1615 ing hulu kali Abe, Utōgi, Prefektur Shizuoka. Wektu iku warga désa Utōgi njabut wasabi kang thukul liyar lan dielèh ing cedhak sumber banyu kang mapan ing Idōgashira. Budidaya wasabi ing Idōgashira dadi gawéan mbudidaya wasabi kang pisanan ing Jepang. Asilé diwènèhaké marang Tokugawa Ieyasu kang urip ing Pura Sumpu. Miturut carita, Ieyasu seneng banget karo wasabi soko warga désa. Dhèwèké seneng banget amarga bentuké godhong wasabi lambang kulawarga klan Tokugawa. Miturut carita liya sumebaré wasabi ing Jepang diwiwiti ing tengah jaman Edo saka bibit tanduran wasabi kang ditompo déning Itagaki Kanshirō sabubaré ngajaraké budidaya shiitaké marang wargo penduduk Utōgi.[3]

Cathetan suku[besut | besut sumber]