Sashimi

Saka Wikipédia Jawa, bauwarna bébas abasa Jawa
Sashimi
Sashimi iwak Hiramasa wutuh

Sashimi (刺身?) ya iku panganan Jepang arupa panganan asal segara kanthi kahanan kang isih seger lan langsung dipangan nalika mentah bebarengan karo bumbu kaya déné kecap asin, parutan jaé, lan wasabi.

Panganan saka segara kaya seperti iwak, kerang, lan urang karang disuguhaké sajeroning wangun irisan cilik sing gampang dipangan, déné urang ukuran cilik ana sing mung dioncèki kulit lan dibuwang ndhasé waé.

Tsuma iku sebutan kanggo bahan panganan tambahan sing bisa arupa lobak sing dirajang dawa cilik-cilik, godhong awerna ijo sing diarani Oba (Aojizo), utawa suket segara kaya wakame lan osakanori.

Sashimi uga ateges nikmati sajeroning kahanan mentah, wiwit saka cuilan mentah iwak jaran (Basashi), iwak pitik (Torisashi), ati pitik utawa ati sapi, nganti potongan konnyaku lan kembang tahu sing diarani yuba.

Ing tlatah Kansai, sashimi luwih dikenal kanthi sebutan O-tsukuri.

Sajarah[besut | besut sumber]

Ana panemu sing mratélakaké yèn pakulinan mangan cuilan iwak mentah tanpa dimangsak iku padha tuwané karo sajarah manungsa, ananging pakulinan iki bisa terus ana utawa ilang gumantung marang kahanan lingkungan papan uripé. Jepang minangka nagara kapuloan kanthi asil segara seger sing bisa dinikmati sadawaning taun, saéngga kabiasaan nikmati panganan segara seger tanpa dimangsak terus lumaku. Ana uga panemu sing ngandhakaké tembung Sashimi asal saka tembung Namashishi (生肉? daging mentah) utawa Namasuki (生切? cuilan seger).

Jinis-jinis sashimi[besut | besut sumber]

  • Tsugatazukuri
Rajangan iwak loh ditata ing sadhuwuring piring, lan tatanane kawangun kaya iwak wutuh wiwit saka pérangan endhas nganti buntut. Sashimi jinis iki akèh-akèhé mung dinikmati ing acara istimewa.
  • Ikezukuri
Tsugatazukuri iku iwak urip sing didadèkaké sashimi mung sawetara wektu saduruné dihidangaké.
  • Tataki
Potongan iwak sing digarang kanggo sawetara wektu ing sakdhuwuring geni nganti katon mateng ing sisih njaba, seger ing sisih jero. Tataki iwak cakalang (Katsuo) dipangan nganggo saus Ponzu, parutan bawang putih lan irisan godhong bawang.

Pranala njaba[besut | besut sumber]