Tour de Singkarak 2012

Saka Wikipédia Jawa, bauwarna mardika basa Jawa

Tour de Singkarak 2012 iku sayembara balapan pit Tour de Singkarak édisi kaping 4 sing dianakaké ing tanggal 4 Juni nganti 10 Juni 2012. Tour de Singkarak taun 2012 diwiwiti saka kutha Sawahlunto lan tujuan pungkasan dudu Tlaga Singkarak manèh nanging Padang, kutha krajan provinsi Sumatra Kulon. Kaya taun-taun sadurungé, kajuwaran balapan pit iki nglombakaké 7 ng étape sing lawasé 7 ng dina. Banjur gunggungé bebungah munggah dadi Rp. 1 milyar.

Tour de Singkarak 2012 dibukak ing tanggal 14 Mèi 2012 ing Jakarta lan diresmèkaké déning Wakil Mantri Pariwisata lan Ékonomi Kréatif Indonésia, Sapta Nirwandar saha Gubernur Sumatra Kulon, Irwan Prayitno. Taun iki, Tour de Singkarak bakal nglintasi 854 km dalan gedhé saka 14 kabupatèn lan kutha otonom ing ing Sumatra Kulon. Saliyané 12 kabupatèn lan kutha otonom sing wis tau diliwati taun(-taun) saduruné, taun iki ana rong kabupatèn liyané sing durung naté diliwati: kabupatèn Sijunjung lan Pesisir Selatan. Saben kabupatèn utawa kutha nyuguhaké kaéndahan ngalam utawa kasugihané budaya utawa obyèk misuwur sing didarbèni. Dadi diarepaké fèstival iki bisa ngangkat potènsi wisata Sumatra Kulon marang wisatawan mancanagara.