Tempura
Tempura (天ぷら tenpura?) minangka panganan Jepang awujud panganan laut, janganan, utawa tuwuhan alasan kang diclupake ing adonan saka glepung lan kuning endhog kang dicewerake nganggo banyu adhem banjur digoreng nganggo lenga kang akèh nganti wernane kuning enom.
Tempura uga tegesé cara nggoreng kang béda karo furai (basa Jepange deep fry). Bahan pangan kang digoreng kanthi cara tempura diclupake ing adonan tempura, déné panganan kang digoreng kanthi cara deep fry diungkus nganggo glepung, kopyokan endhog, lan tepung panir. Lega kang dianggo nggoreng tempura apike lenga goreng kang resik lan durung dianggo nggoreng panganan liya.
Adonan tempura
[besut | besut sumber]
Adonan tempura ing basa Jepang diarani koromo (衣? klambi) jalaran kaya "klambi" kang mbungkus panganan. Adonan tempura digawé saka campuran glepung protéin cendhèk kang diadhemake dhisik, endhog pitik, lan banyu ès. Sakabehing bahan diudheg nganggo sumpit supaya mringkil-mringkil. Glepung kang diudheg nganti rata malah ndadèkaké adonan atos lan asiling gorengan ora apik.
Sakabehing jinis bahan pangan bisa didadèkaké tempura kaya ta urang, iwak nus, iwak, daging pitik, godhong-godhongan saka tuwuhan alasan, lan bahan pangan gawéan pabrik kaya chikuwa uga kerep didadèkaké tempura. Irisan tipis daging babi kang digoreng nganggo cara tempura diarani Tonpura.
 | Artikel magepokan panganan iki minangka artikel rintisan. Kowé bisa ngéwangi Wikipédia ngembangaké. |