Nus

Saka Wikipédia Jawa, bauwarna bébas abasa Jawa
(Dilih saka Iwak Nus)
Nus
Mastigoteuthis flammea
Klasifikasi èlmiah
Krajan: Animalia
Filum: Mollusca
Kelas: Cephalopoda
Subkelas: Coleoidea
Superorder: Decapodiformes
Ordo: Teuthida
A. Naef, 1916b
Subordo

Plesioteuthididae (incertae sedis)
Myopsina
Oegopsina

Nus (basa Indonésia: nus), iku kalebu kelompok kéwan cephalopoda gedhé utawa moluska kang urip ing segara.[1] Jeneng cephalopoda ing basa Yunani tegesé sikil lan sirah, awit sikil kang kepisah dadi tangan-tangan kang ngubengi ndhas.[1] Kayata kabèh cephalopoda, iwak nus dipisahké kanthi nduwèni ndhas kang béda.[1] Akson iwak nus iki nduwèni dhiamétér 1 mm.[1] Iwak Nus akèh dimanfaataké kanggo panganan lan masakan.[1]

Iwak Nus kalebu golongan kéwan ivertebrata tegesé ora nduwé tulang belakang.[1] Salah siji jinis iwak nus kang urip ing laut kang jero ya iku Heteroteuthis kang nduwèni kabisan kanggo mancaraké cahya.[1] Organ kang ngetokaké cahya iki manggon ing pucuk juluran dawa kang paling methongol mengarep.[1] Iki disebabaké prastawa iluminasi kang kadadéan ing iwak nus.[1] Heteroteuthis nyemprotaké cairan yèn krasa keganggu.[1] Cairan iki fungsiné padha karo iwak nus biyasa kang nyemprotaké mangsi werna ireng nalika krasa keganggu.[1]

Anatomi[besut | besut sumber]

Iwak nus nduwèni awak bentuk pipa lan ndhas kang sampurna.[2] Iwak nus nduwé tangan kang cacahé 10 lan dawa. Ing tangan iki ana mangkok kang bisa ngisep.[2] Tangan iki gunané kanggo njiret mangsané banjur disuwék nganggo rahang kang kuwat kang mirip kaya cucuk kewan.[2] Iwak nus ngisep banyu saka rongga pusat awaké, rongga mantel lan ngetokaké saka pembuluh kang lentur kang diarani sifon.[2] Sifon iki manggon ing mburi tangan.[2] Awit saka ilining banyu kang ndadékaké iwak nus nglangi mundur.[2] Sirip iwak nus asalé saka 2 mantel kang kaya cuping.[2] Sirip iki dadi setir.[2] Matané iwak nus ora nduwé kelopak mata ananging katon kaya mripat menungsa.[2] Iwak nus nduwé jantung cacahé telu lan getih wernané biru.[2]

Chatetan suku[besut | besut sumber]

  1. ^ a b c d e f g h i j k (id)invertebrate animalcorner.co.uk(dipunundhuh tanggal 16 Juni 2011)
  2. ^ a b c d e f g h i j (id)iptek.net.id(dipunundhuh tanggal 16 Juni 2011)


Sumber artikel punika saking kaca situs web: "https://jv.wikipedia.org/w/index.php?title=Nus&oldid=1078719"