Tanty Yosepha

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Maria Yosepha Sri Sukartanti
Tanty yosepha.jpg
PakaryanAktris
BojoEnteng Tanamal
AnakYoan Tanamal
Vitae Tanamal

Maria Yosepha Sri Sukartanti, luwih ditepungi kanthi jeneng Tanty Yosepha (lair ing Sala, Jawa Tengah, 22 Maret 1950 – pati ing Jakarta, 21 Novèmber 1998 ing umur 48 taun).[1] Tanty Yosepha ya iku juru main sinétron Indonésia.[1] Maria iku anak kang kaping lima saka pasangan KRT Gondokusuma lan Sri Sekartanti.[1] Maria digedhègaké ing Yogyakarta.[1] Maria ngrampungaké pendhidhikan menengah atas ing SMA Stella Duce I Yogyakarta.[1] SMA iki kabèh muridé duwé jinis kelamin wadon.[1]

Wiwit SMA, Maria wis seneng ing donyaning seni, kaya ta golongan jogèd, sandiwara, lan nyanyi.[1] Sawisé tamat SMA, Maria lunga menyang Jakarta.[1] Donyaning filem wiwit dijajal, filem kang sepisanan dibintangi judhulé Mama arahan Wim Umboh kang difilemaké nalika taun 1972.[1] Taun 1973, filem Ratapan Anak Tiri uga dibintangi Maria. Film iki banjur laris ing pasaran.[1]

Tanty Yosepha utawa Maria palakrama karo Enteng Tanamal. Saka bebrayané iki, Maria nduwé anak loro wadon kabèh. Anak-anaké pinter nyanyi, jenengé ya iku Yoan Tanamal lan Vitae Tanamal. Tanty Yosepha iku adhik kandhung saka Dien Novita.[1]

Nalika wiwitan taun 1990-an, aktris iki kena lelara kanker lan mèh mati.[2] Nanging amarga temen anggoné tetamba, penyakité banjur mari.[2] Nanging nalika tanggal 22 November 1998, Tanty Yosepha mati ing RS Pertamina Jakarta amarga kena serangan jantung.[2] Jizim Tanty Yosepha dikubur ing pasaréan kulawarga ing Kranggotan, Imogiri, Bantul.[2] Tanty Yosepha dikubur cerak karo kubur ibuné.[2] Pasaréyan ing Imogiri iki jumbuh karo panjaluk kang pungkasan saka almarhumah Tanty Yosepha.[2] Sadurungé dikuburaké, dianakaké misa arwah ing rumah duka, Dalan Colombo 22 Yogyakarta, panggonan kanggo nguburaké jizim Tanty Yoepha.[2]

Cathetan sikil[besut | besut sumber]

  1. a b c d e f g h i j k selebritas.mitrasites.com(diundhuh tanggal 17 Juli 2011)
  2. a b c d e f g majalah.tempointeraktif.com(diundhuh tanggal 17 Juli 2011)