Taman Dayu

Saka Wikipédia Jawa, bauwarna mardika basa Jawa

Taman Dayu ya iku salah siji papan wisata ing Kabupatèn Sragèn, Jawa Tengah, Indonésia. Taman Dayu iku papan wisata kang wujudé taman.[1]

Papan wisata iki mapan ing Désa Dayu,kanthi amba kurang luwih 5 Ha. Papan iki krasa asri amarga akèh tetuwuhan ijo royo-royo kang éndah, lan seger. Ing papan wisata iki uga ana kali kang nyigar papan wisata iki.

Kurang luwih 50 km saka Kutha Sala panggone taman wisata iki. Ing papan wisata iki ana papan kang mabane kurang luwih 5 ha isiné tuwuhan jati kabèh. Ing papan iki uga nyedhiake fasilitas warna-warna kaya ta mini zoo , wahana utawa papan kanggo dolanan lan kaprigelan, agrowisata, resort , lan pendhapa pertamuan, gazebo, kolam nglangi kang jangkep karo slurutan, resto lsp..

Kebon kéwan cilik dadi salah siji papan kang apik saka Taman Dayu iki. Ing kono akèh kéwan-kéwan kang diopeni kanthi setiti, kaya ta rusa, kanguru, landhak, ula, merak, garudha, lan warna-warna jinis iwak kang wis langka kaya ta iwak lélé saka Afrika, iwak arapaima, iwak alligator. Saliyané dadi kebon kéwan papan iki uga dadi panggon kanggo nangkar kéwan, ngopeni kéwan kang wis arep cures.

Ing Taman Dayu ana kali cilik kang pinggire akèh wit-witan kang ijo royo-royo. Ing kono para wisatawan uga bisa mancing, numpak prahu kano ing kali. Ing Taman Dayu, ana pemandhangan kang apik saliyané iku uga bisa digunakaké hiking. Taman Dayu iki uga dibangun lan disengkuyung déning Pamaréntah kutha Sragèn. Papan wisata iki uga minangka désa uji coba MIX FARMING, ya iku sistem pertanian lan peternakan kang maksimalke apa waé barang kang diasilake saka pertanian lan peternakan, kalebu uwuhe. Dadi sistem iki péngin ora ana uwuh utawa larahan saka asil tani lan ternak.

Ing papan iki uga bisa digunakaké papan kanggo dolanan cah cilik supaya kreatif. Ing kono ana kolam kanggo nglangi, ana uga prahu dayung. Ing papan iki uga ana papan kanggo ulah raga, omah kang bisa digunakaké papan kanggo dolanan anak.

Saliyané iku, para wisatawan uga bisa dolananoutbond. Kanthi papan kang nyengsemake papan iki nyenengake kanggo outbond. Ning kono uga ana dolanan kang ngetes mental, wanine bocah. Papan wisata iki uga dijangkepi flying fox, restoran, Homestay, lan papan kanggo karantina iwak-iwak sagara lan liya-liyané.[2]

Cathetan suku[besut | besut sumber]

  1. Taman Dayu Alam Asri[pranala mati permanèn] (diundhuh tanggal 26 September 2012)
  2. Taman Air Dayu Alam Asri (diundhuh tanggal 26 September 2012)