Taman Kadhaton Osaka

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Taman Astana Osaka)
Jujug: pandhu arah, pados
Taman Istana Osaka
Taman Istana Osaka saking sisih kulon
Kebun

Taman Kadhaton Osaka (大阪城公園 Ōsakajō-kōen?) inggih punika papan awujud taman ingkang mapan wonten ing sakiwa tengenipun Astana Osaka, kutha Osaka, Jepang. Taman punika dipunbikak nalika 6 November 1931 kanthi wiyar 106.7 hektar [1]. Ing kawasan taman punika wonten Astana Osaka ingkang dipunbangun déning Toyotomi Hideyoshi. Papan punika naté dados médan tempur lajeng ingkang dipunwastani Pertempuran nalika mangsa Panas Osaka. Fasilitas kesenian lan ulah raga ing kawasan punika awujud gedung konser musik kanthi nama Osaka-Jo Hall, ruang konser alam, lapangan bisbol, rugby, lan ugi sepak bola [2] .

Wonten ing tengahing taman ingkang dados papan paling inggil wonten menara utama inggih punika Astana Osaka ingkang ginanipun punika minangka muséum. Saking nginggil menara Astana Osaka para wisatawan saged ninggali kawontenan kutha Osaka ingkang mapan wonten ing dataran andhap Osaka, Gunung Ikoma, lan Lempongan Osaka. Tasih ing kawasan taman ugi wonten muséum perdamaian Peace Osaka lan Taman Nishinomaru [2].

Taman Astana Osaka punika kathah tetuwuhan kadosta wit sakura, ume (prem Prunus Mume) lan persik ingkang mekrok saben wiwitan mangsa semi. Festival sekar seruni kalebet adicara taunan saben mangsa gugur ingkang dipunwontenaken ing sikiling menara utama astana. Ing bagéyan sanèsipun taman wonten Taman Tradisional Jepang kanthi kolam lan kembang seroja sarta macem-macem taneman hortensia [2].

Astana Osaka[sunting | besut sumber]

Menara Utama Astana Osaka
Astana Osaka

Astana Osaka (大阪城 Ōsaka-jō?) inggih punika astana ingkang mapan wonten ing Taman Astana Osaka, dhistrik Chuo-ku, kutha Osaka, Jepang. Astana Osaka mapan wonten ing wewengkon paling ler laladan Uemachi, mapan wonten ing papan ingkang paling inggil tinimbang wewengkon ingkang wonten ing sakiwa tengenipun laladan punika. Astana Osaka kalebet bangunan tilaran budaya ingkang dipunjagi déning pamarèntah Jepang. Menara utami Astana Osaka ingkang inggil punika dados simbolipun kutha Osaka. Astana Osaka punika dipunginakaken minangka astana lan ugi bèntèng saking zaman Azuchi Momoyama dumugi ingzaman Edo. Astana Osaka ingkang wonten sapunika kapérang dados menara utama ingkang dipunjagi déning kalih tembok inggil ingkang dipunubengi parit, parit ingkang bagéyan jero (Uchibori) lan parit ingkang bagéyan njawi (Sotobori).

Cathetan suku[sunting | besut sumber]

  1. ^ "Ōsaka-jō kōen". Asosiasi Pertamanan dan Ulah raga kota Osaka. 
  2. ^ a b c [1], Indahnya Istana Taman Osaka (dipun-akses tanggal 24 November 2012).