Suku Maya

Suku Maya

Suku Maya ingkang gesang ing laladan Meksiko Kidul lan ing pérangan-pérangan Amérika Tengah. Pusat kabudayaannipun wonten ing Ujung Yukatan. Kitha paling pisanan dipunyasa kinten-kinten ing abad 3 ing wana Guatemala lan ingkang pungkasan kinten-kinten dipunyasa ing abad 10 lan abad 11 wonten sawijining dhataran ing Yukatan sisih Lèr. Kitha-kitha punika minangka panilaran tiyang-tiyang Maya ingkang gadhah tingkat kabudayan paling nginggil lan minangka cathetan arsitèktur ingkang kathah piyambak lan paling majeng. Kabudayaan suku Maya punika ngrembaka saking abad 1 S M ngantos dipunwiwitinipun penggalan Masehi. Kabudayaan Maya gadhah pusat babagan agraris. Wonten taneman jagung, mrica, wonten kalkun lan segawon. Piyambakipun ugi mintal kapas lan nyade wonten panggena sanès. Mila suraosipun tiyang-tiyang Maya nindakaken kagiyatan sesadeyan sanèsipun tani.

Golongan Suku Maya

Organisasi sosial ingkang wonten ing suku Maya punika dipuntandhani kanthi pangarsanipun golongan elit ingkang sugih, ingkang ugi nindakaken sesadeyan. Golongan elit gadhah fungsi minangka ketua upacara ritual wonten kapitadosanipun. Tiyang punika minangka golongan akademi ingkang gadhah hak istimewa kanggé nyinaoni ngèlmu pangetahuan. Sanèsipun golongan punika, wonten golongan wong tani lan batur tukon.

Gladri

• 
  Candhi Suku Maya
• 
  Map Suku Maya
• 
  Tenun Maya
• 
  Tiyang Maya

Pananggalan Suku Maya

Bangsa Maya sampun gadhah sistem seratan ingkang sami kaliyan Hierogliyph. Seratan punika kanggé nyathet prastawa ingkang wigati, inggih punika kanggé kawiyosan, palakrama, lan sedanipun raja-raja Maya. Sasampunipun wonten seratan, ngèlmu kawruh ugi ngrembaka, bangsa punika sampun tepang kaliyan tangalan lan taunipun ingkang gadhah 18 sasi ingkang saben sasinipun gadhah 20 dinten. Sanèsipun punika wonten 1 sasi ingkang gadhah 5 dinten. Kados gadhah 365 dinten. Tiyang Maya ugi ngrembakakaken matematika lan astronomi. Pananggalan Suku Maya ngantos samangke dipunanggep kramat amargi gadhah pungkasan ing taun 2012.