Spirogyra

Saka Wikipédia Jawa, bauwarna bébas abasa Jawa
Spirogyra
Klasifikasi èlmiah
Krajan: Protista
Divisio: Charophyta
Ordo: Zygnematales
Kulawarga: Zygnemataceae
Marga: Spirogyra

Spirogyra inggih punika Chlorophyta (ganggang ijo) ingkang nggadhahi struktur badan filamen.[1] Filamen punika wiyaripun udakawis 10-100 mikromèter kaliyan dawanipun saged ngantos sawatawis sèntimèter.[1] Langkung saking 400 spèsiès Spirogyra gesang ing habitat toya tawar.[1] Filamen Spirogyra ngandhut sel silinder utawi sub-silinder ingkang kasusun mawi cara linear.[1] Trakadhang Spirogyra mbentuk permandhani ingkang werninipun ijem kaliyan ngambang ing permukaan toya.[1]

Klasifikasi[besut | besut sumber]

Spirogyra dipunklasifikasikaken ing kerajaan Protista ingkang kawangun saking organisme ingkang nggadhahi struktur sèl prasaja.[1] Spirogyra kalebet ing filum Chlorophyta mawi kelas Zygnematophyceae.[1] Kulawarga saking Spirogyra inggih punika Zygnemataceae, déné ordonipun inggih punika ordo Zygnematales.[1] Nama èlmiyah Spirogyra inggih punika Spirogyra sp., mawi nama spèsiès ingkang manéka werni.[1]

Struktur Badan[besut | besut sumber]

Badan Spirogyra nggadhahi bentuk filamen.[2] Dawa badanipun saged ngantos 1 kaki (30,48 cm).[2] Benang-benang punika kasusun saking protoplasma ingkang transparan kaliyan saben sèl nggadhahi setunggal utawi langkung saking setunggal kloroplas.[2] Benang punika ndawa saking pucuk tumuju pucuk, saéngga wangunipun kados spiral.[2] Ing kloroplas ingkang wangunipun pita wonten pirenoid ingkang kasusun selang-seling.[2] Pirenoid punika dipunkupengi dèning pringkilan glepung.[2]

Struktur Sèl[besut | besut sumber]

Sel Spirogyra nggadhahi inti ingkang dumunung ing tengah, sitoplasmanipun kabungkus dèning dinding sèl.[2] Dinding sèlipun wonten kalih lapisan, inggih punika lapisan selulosa njawi kaliyan lapisan ing sajeronipun pèktin.[2] Sèl Spirogyra nggadhahi vakuola ingkang ageng.[2] Lapisan gelatin ingkang tipis ngayomi sadaya sèl, saéngga maringi karakter tartamtu dhateng Spirogyra.[2]

Réprodhuksi[besut | besut sumber]

Réprodhuksi Spirogyra mawi kalih cara, inggih punika mawi cara aseksual kaliyan sèksual.[3] Réprodhuksi asèksual mawi fragmentasi mbentuk aplanospora, akinet, kaliyan partenospora.[3] Déné réprodhuksi sèksualipun mawi cara konjugasi lateral kaliyan konjugasi skalar.[3]

Konjugasi Lateral[besut | besut sumber]

Gamèt kabentuk ing filamen tunggal.[3] Kalih sèl ingkang sisihan ing sacelakipun dinding sèl malang maringi brenjolan ingkang dipunwastani tabung konjugasi. Salajengipun mbentuk saluran konjugasi ing kontak.[3] Sitoplasma tanang ngalami migrasi liwat saluran konjugasi, nggabung kaliyan wadon.[3]

Konjugasi Skalar[besut | besut sumber]

Konjugasi skalar mbetaheken asosiasi saking kalih filamen ingkang bènten, mbaris, inampingan sapérangan utawi sadaya dawanipun.[3] Salah satunggaling saben sèl saking filamen mbaris nuwuhaken brenjolan tabung ingkang dipunwastani tabung konjugasi.[3] Tabung punika ndawa, garing, ingkang ancasipun kanggé ndamel bagéyan ingkang dipunwastani saluran konjugasi.[3] Sitoplasma ingkang dados tanang mlampah ngliwati tabung kaliyan sitoplasma wadon, sarta sekring gamèt kanggé mbentuk setunggal zygospore.[3]

Mupangat[besut | besut sumber]

Spirogyra punika fitoplankton ingkang fungsinipun dados panganan iwak.[3] Dhaérah ingkang kathah plankton inggih punika dhaérah toya ingkang kathah iwak.[3] Spirogyra ugi dados prodhuser primèr, inggih punika ingkang nyameptakaken bahan organik kaliyan oksigen kanggé kéwan-kéwan ingkang gesang ing toya, kadosta iwak, urang, kaliyan srangga air.[3] Wontenipun prodhuser ngundang tekané konsumèn, prédhator, kaliyan organisme sanès ingkang mbentuk ékosistem perairan.[3]

Cathetan Suku[besut | besut sumber]

  1. ^ a b c d e f g h i (id)Klasifikasi dan reproduksi Spirogyra(dipunundhuh 25 November 2012)
  2. ^ a b c d e f g h i j Karmana, Orman. 2007. Cerdas Belajar Biologi untuk Kelas X. Bandung:Grafindo Media Pratama
  3. ^ a b c d e f g h i j k l m n (id)Spirogyra(dipunundhuh 25 November 2012)
Sumber artikel punika saking kaca situs web: "https://jv.wikipedia.org/w/index.php?title=Spirogyra&oldid=1014519"