Shiretoko National Park

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Taman Nasional Shiretoko
Sana Warisan Donya UNESCO
Shiretoko
Janeng ing Pratélan Warisan Donya
JinisAlam
Wewatonix,x
Rujukan1193
Tlatah UNESCOAsia Pasifik
Sujarah prasasti
Prasasti2005 (Sési ke-29)

Taman Nasional Shiretoko (知床国立公園 Shiretoko Kokuritsu Kōen?), inggih punika taman nasional ingkang nglingkupi sapérangan ageng Ujung Shiretoko ing ujung timur laut Pulo Hokkaido, Jepang. Tembung "Shiretoko" asalipun saking basa Ainu, sir etok ingkang tegesipun pungkasan saking bumi.[1]

Taman nasional punika minangka salah satunggaling laladan ingkang paling kapencil ing Jepang. Sapérangan ageng papan ing Ujung Shiretoko namung saged dipunaksés kanthi mlampah utawi kanthi prau. Taman Nasional punika kawéntar minangka habitat beruang cokelat, lan saking mriki saged dipuntingali sesawangan Pulo Kunashiri ingkang dipunrebutaken déning Jepang lan Rusia. Taman Nasional punika gadhah sumber tirta panas, lan air terjun ingkang winastan Air Terjun Kamuiwakka (カムイワッカの滝 Kamuiwakka-no-taki?). Kamui wakka tegesipun "tirta para déwa" wonten ing basa Ainu.[1]

Alas ing taman nasional punika kalebet alas iklim sedheng. Spesies wit ingkang utama, antawisipun cemara sakhalin (Abies sachalinensis), erman birch (Betula ermanii) lan ek mongolia (Quercus Mongolica). Ing njawi wates alas saged kapanggihaken alas pinus siberian dwarf (Pinus pumila) ingkang runggut lan boten gampil dipunlebeti.[1]

Nalika taun 2005, UNESCO nglebetaken Taman Nasional Shiretoko minangka Situs Warisan Donya.

Papan punika maringi sawijining tuladha ingkang "luar biyasa" babagan "interaksi" ékosistem laut lan darat sarta produktivitas ékosistem ingkang nggumunaken. Papan punika dipunpangaruhi sanget déning pembentukan es laut musiman ing lintang paling andhap ing belahan bumi lèr, lan minangka papan wigati tumrap sajumlah spésies laut lan darat. Sapérangan saking spésies-spesis mau kaancem cures lan endemik, kados ta manuk hantu, iwak Blackiston lan taneman Viola kitamiana. Taman Nasional punika kanthi global wigati sanget tumrap manuk laut kaancem lan manuk migran, sajumlah spésies salmonid, lan kanggé mamalia laut kalebet singa laut lan sapérangan spésies cetacea.[2]

Spesies[besut | besut sumber]

Spesies ingkang kacantum ing ngandhap punika minangka spésies ingkang kacathet ing IUCN lan tetuwuhan ingkang kapanggihaken ing taman nasional punika.[3]

  • Abies sachalinensis / Sakhalin fir
  • Acer mono / Painted maple
  • Anas formosa / Baikal teal
  • Cercidiphyllum japonicum / Katsura tree
  • Cervus nippon / rusa sika
  • Dryocopus martius / Black woodpecker
  • Emberiza sulphurata / Yellow bunting
  • Eptesicus nilssonii / Northern bat
  • Gorsachius goisagi / Japanese night heron
  • Grus japonensis / Bangau makutha merah
  • Haliaeetus albicilla / White-tailed eagle
  • Haliaeetus pelagicus / Steller's sea eagle
  • Ketupa blakistoni / Blakiston's fish owl
  • Myotis ikonnikovi / Ikonnikov's bat
  • Phalacrocorax capillatus / kormoran jepang
  • Picea glehnii / Sakhalin spruce
  • Picea jezoensis / Yeso spruce
  • Pinus pumila / Stone pine
  • Quercus mongolica / ek jepang
  • Tilia japonica / Japanese linden
  • Viola kitamiana / (spésies violet)
  • Vulpes vulpes / Rubah merah

Papan wisata[besut | besut sumber]

Wonten kathah sanget jinis satwa kados ta rusa, beruang, rubah, anjing laut, garudha, salmon, lan iwak paus ingkang mendhet pérangan wonten ing rante panguripan ing papan punika, éwadéné wewengkon punika boten jembar sanget. Sisih ujung ingkang taksih alasan namung saged dipunamati kanthi ngrawuhi piyambak laladan mau. Wisatawan limrahipun ndhérék tur jelajah saking Utoro lan Rausu, saéngga bédanipun médan saged katingal sanget. Sisih kidul ingkang langkung anteng nedahaken pasisir kanthi pasir, bènten kaliyan sisih lèr ingkang gadhah sesawangan tebing curam lan terjal, nanging éndah. Sesawangan unik sanèsipun ing Shiretoko inggih punika kathahipun sumber air panas lan tlaga ingkang ngilang ing laut nalika air pasang.[4]

Gladri[besut | besut sumber]

Cathetan suku[besut | besut sumber]

  1. a b c [1]
  2. [2]
  3. "Shiretoko". UNESCO. Retrieved 2013-01-20.
  4. [3]

Cithakan:World Heritage Sites in Japan

Ĉ