Rupiah

Dhuwit rupiah seri paling anyar (2022)

Conto dhuwit kertas rupiah

Rupiah sing sepisanan dipigunaaké: Rupiah Hindia-Walanda, Rupiah sing diwetokaké déning Bank Jawa, koin rupiah taun 1950-an, lan cathetan rupiah taun 1959.

ꦱꦥꦫꦱꦠꦸꦱ꧀ ꦫꦸꦥꦶꦪꦃ (saparasatus rupiyah), dhuwit sen jaman Hindiya-Walanda, 1942

Rupiah utawa Rupiyah (ꦫꦸꦥꦶꦪꦃ) (Rp) iku valuta Indonésia (kanthi kodhe IDR).

Jeneng iki dijupuk saka valuta India rupee. Sadurungé ing laladan sing karan Indonésia saiki migunakaké gulden Walanda saka taun 1610 tekan taun 1817, nalika gulden Hindia-Walanda kawanuhaké.

Jeneng rupiah sepisanan dipigunaaké kanthi sah nalika diwetokaké valuta rupiah jaman pandudukan Dai Nippon ing Perang Donya II. Sawisé perang rampung, Bank Jawa, palopor Bank Indonésia, ngetokaké Rupiah. Éwadéné Tentara Sakuthu ngetokaké Gulden Nica.

Sauntara iku ing laladan-laladan liya ing laladan sing saiki kaaran Indonésia, akèh sinebar dhuwit sing magepokan karo aktivitas gerilya.

Ing tanggal 2 November, 1949 rupiah dikukuhaké minangka valuta nasional. Ing laladan kapuloan Riau lan Papua, wektu iku isih migunakaké valuta liya. Ing taun 1964 lan 1971 rupiah wiwit digunaaké ing kono.

Ing laladan Timor Wétan, rupiah dipigunaaké saka taun 1976 – 2001. Wiwit taun 2001 tekan saiki dipigunaaké dolar AS.

Ciri khas

Rupiah nduweni gambar ndelik (Basa Indonesia: gambar tersembunyi) sing bisa yen didhelok nganggo sinar ultraviolet lan gambar sing bisa diraba kanggo njagani keasliané.

Pratélan valuta kanthi jeneng mèmper Rupiah

• Indian rupee (रुपया)
• Maldivian rufiyaa (ދިވެހި ރުފިޔ)
• Mauritian rupee (roupie)
• Nepalese rupee (रूपैयाँ)
• Pakistani rupee (روپي)
• Seychellois rupee (roupi, roupie)
• Sri Lankan rupee (ரூபாய்)

Saiki wis ora ana

• Afghan rupee
• Bhutanese rupee
• Burmese rupee
• Danish Indian rupee
• (British) East African rupee
• French Indian rupee (roupie)
• German East African rupie
• Gulf rupee
• Hyderabad rupee
• Italian Somaliland rupia
• Javan rupee
• Netherlands Indian roepiah
• Portuguese Indian rúpia
• Riau rupiah
• Travancore rupee
• West New Guinean rupiah
• Zanzibari rupee

Fiksi

• Hylian rupee

Pranala njaba

• Kurs Dhuwit Kertas Asing versi BI Archived 2008-04-16 at the Wayback Machine.
• Imej kertas valuta Rupiah Archived 2019-05-12 at the Wayback Machine.
• Ngenali Ciri-ciri Kaaslian Dhuwit Rupiah Archived 2008-06-04 at the Wayback Machine.