Koin

Saka Wikipédia Jawa, bauwarna bébas abasa Jawa
Koin sepuluh sèn saka Swiss saka taun 1879, persis karo koin-koin sing tuwa dhéwé sing isih digunakaké kanthi resmi tekan saiki

Koin iku barang sing cilik, tipis, lan bunder kagawé saka bahan atos kaya ta metal utawa plastik kanggu mliginé minangka medium ijol-ijolan utawa tawar-tawaran sing sah. Koin-koin iku digawé baku ing aboté, lan diprodhuksi kanthi gunggung sing akèh ing panggonan jenengè arta yasa supaya bisa masilitasi dagang. Koin-koin iku asringé ditokaké déning sawiji pamaréntah.

Koin-koin lumrahé saka bahan metal utawa metal campuran, utawa kadang kala kagawé saka bahan gawéan manungsa. Koin iki racaké wujudé kaya piringan. Koin-koin sing dumadi bahan metal sing regané dhuwur disimpen ing gunggungé sing akèh minangka koin emas. Koin-koin liyané dinggo minangka dhuwit ing transaksi sadina-dina, muter ing sisihé dhuwit kertas. Lumrahé rega koin ing muteré dhuwit (i.e. tanpa nganggep koin emas) iku ora luwih larang tinimbang dhuwit kertas sing nilèné paling cendhèk. Satus taun kapungkur, ajiné dhuwit koin ing masarakat kadang kala uwis luwih cendhèk tinimbang ajiné metal ing jeroné, contoné amarga anané inflasi. Bedané dadi luwih signifikan, pihak sing ngetokaké dhuwit bisa mutusaké supaya narik koi-koin iku mau saka pamuteran, mungkin bisa ngetokaké barang sing ajiné padha sing bahan kanggo gawéné béda, yèn ora masarakat bisa mutusaké supaya nglèlèhaké koin iku utawa disimpen waé (dhelok ukum Gresham).