Ringgit Sasak
Ringgit Sasak (ngoko: Wayang Sasak) inggih punika sesebatan kanggé wayang kulit saking Lombok.[1][2] Wontenipun wayang kulit ing Lombok kadosipun dugi sesarengan kaliyan panyebaran agami Islam.[1] Ringgit kulit Sasak ugi badhé sami caritanipun kaliyan wayang golèk ingkang ngrembaka ing Jawa kanthi mendhet lakon carita Menak, saéngga wayang ingkang ngrembaka ing Lombok ugi dipunsebat Wayang Menak.[1][2] Agami Islam mlebet dhateng Lombok wonten ing abad kaping 16 ingkang dipunbekta déning panjenenganipun Sunan Prapen, putranipun Sunan Giri.[1] Cariyos wayang ing Lombok punika mendhet saking carita Menak ingkang babon caritanipun saking Amir Hamzah, paklikipun Muhammad.[1] Cariyosipun saking Pèrsi Iran ingkang mlebet dhateng Indonésia myebrangi Malayu. Saking mrika, Islam mlebet dhateng Jawa lan Lombok.[1] Ing Lombok, cariyos-cariyos punika dipunserat ing ron lontar kanthi basa Jawa lan huruf Jejawan (huruf Sasak) ingkang taksih turunanipun huruf Jawa.[1] Cariyos pawayangan Menak ing Lombok urut-urutanipun bènten kaliyan Serat Menak anggitanipun Yasadipura I jaman Pakubuwana VII ing Surakarta.[1] Manawi Serat Menak dipunserat kanthi urutan ngantos 7 (pitung) jilid, carita Menak saking Lombok dipunserat jumbuh kaliyan kawiannya (fragmennya) saéngga wonten irah-irahan kados, (1) bangbari, (2) gendit birayung, (3) bidara kawitan, (4) selandir, (5) dewi rengganis, lan sanèsipun.[1]
Cathetan suku
[besut | besut sumber]Pranala njawi
[besut | besut sumber]Wayang Sasak[pranala mati permanèn]
| Artikel iki minangka artikel rintisan. Kowé bisa ngéwangi Wikipédia ngembangaké. |