Rawa Upo
Rawa Upo (우포늪) ya iku sawijining dataran teles kang dumunung ing kabupatèn Changnyeong, Gyeongsang Kidul, Koréa Kidul.[1] Rawa iki minangka péranganing dataran teles lan rawa alami kang paling amba ing Koréa kang dadi panggonan pelestarian ékologi.[2] Rawaliyané ing panggonan iki ya iku Mokpo, Sajipo, lan Jjokjibeol.[1] Ambane Rawa Upo ngancik 2 juta m².[3]
Rawa Upo duwé peran wigati minangka panggonan rembesing banyu kang bisa ngeculake lan nyimpen banyu.[1] Saliyané iku, kawasan iki nyediakake habitat kang ideal kanggo iwak lan kéwan-kéwan banyu liyané.[1] Ing mangsa banjir amarga kali Nakdong kakehen, level banyu ing rawa Upo dhuwuré ngancik 5 mèter saka jerone, kanthi kapasitas banyu 134 juta mèter kubik banyu kang mbantu ngendalekake sistem banyu lan duwé manfaat kanggo saluran irigasi.[1]
Flora lan fauna[besut | besut sumber]
Panggonan iki akèh spésies tuwuhan lan nyediakake habitat kang apik tumrap panguripan fauna.[1] Banyu rawa nyediakake nutrisi kang akèh kanggo tuwuhan, manuk, iwak lan kéwan liyané.[1] Rawa duwé total flra lan fauna 1.772 jinis kalebu tuwuhan, iwak banyu tawar, manuk, gegremet, lan invertebrata kanthi rincian 435 jinis tuwuhan kang minangka konsèntrasi 50-60 % saka sekabehing jinis tuwuhan ing Koréa.[1]
Jinis tuwuhan kang umum, kaya ta duckweed (Spirodela polyrhiza), chestnut air (Trapa japonica flerow), lan frogbit (Hydrocharis dubia) kang maujud sesawangan ijo kang nylimuti rawa.[3] Jinis tuwuhan liyané ya iku sesuketan rawa Mischantus sacchariflorus, Bulrushes (Scirpus maritimus), pari alasan (Zizania latifolia), lan club rushes (Scripus lacutris).[3] Tuwuhan dedalu kaya ta jinis Salix koreensis lan Salix gracilistylia, urip subur.[3] Tuwuhan-tuwuhan iki dadi papan panggonan pirang-pirang jinis organisme ing antarané ya iku siput misteri cina (Cipangopaludina chinensis malleata), iwak, gegremet lan manuk-manuk kang cacahé punjul 350 jinis.[3]
Ing rawa iki ana orservatorium kang minangka ngemati wewengkon sakiwatengene rawa lan manuk-manuk alasan.[3] Jinis kang habitate ana ing rawa kaya ta bango klawu, bango salju, bèbèk berbintik, pitik banyu lan lya-liyané.[3] Golongan manuk padha teka kanggo golèk panganan ing panggonan iki.[3]
Pranala njaba[besut | besut sumber]
Cathetan suku[besut | besut sumber]
- ↑ a b c d e f g h Lee, Yong-su (Autumn 2000). "Upo Wetlands" (PDF). Koreana. 14. Diarsip saka sing asli (PDF) ing 2016-03-05. Dibukak ing 2011-08-13.
- ↑ Telur burung ibis berjambul berhasil ditetaskan di rawa Upo[pranala mati permanèn], kbs. Diundhuh tanggal 2 Juni 2010.
- ↑ a b c d e f g h Bae Han-Bong (2007). "Changnyeong—Reminders of the Past Offer Hope for the Future" (PDF). Koreana. 21: 65–73. Dibukak ing 16 Juli 2010.
{{cite journal}}: Unknown parameter|month=ignored (pitulung)[pranala mati permanèn]
| Artikel iki minangka artikel rintisan. Kowé bisa ngéwangi Wikipédia ngembangaké. |