Changnyeong

Saka Wikipédia, bauwarna bébas basa Jawa
Changnyeong

Changnyeong (창녕군) inggih punika satunggaling kabupatèn ingkang mapan wonten ing propinsi Gyeongsang Kidul, Korea Kidul.[1] Kabupatèn punika gadhah wewengkon perlindungan alam liar ingkang tasih alami lan situs-situs kuno mawi sejarah.[1] Nakdong-gang, lèpèn paling dawa wonten wonten ing Korea Kidul, mili nglewati wewengkon punika sadèrèngipun tumuju muara dhateng Selat Korea.[1]

Rawa Upo[besut | besut sumber]

Rawa Upo (우포늪) inggih punika rawa ingkang mapan wonten ing wewengkon Kabupatèn Changnyeong.[2] Rawa punika kalebet bageyan saking dhataran teles lan rawa paling wiyar ing Korea ingkang ginanipun kanggé papan nglestantunaken ekologi.[3] Rawa Upo sareng kalihan dhaérah rawa sanesipun ing wewengkon punika, kados Mokpo, Sajipo, lan Jjokjibeol dipunparingi nama sistem Rawa Upo .[2] Wiyaripun sadaya Rawa Upo punika dumugi 2 juta m².[1]

Tilaran sejarah[besut | besut sumber]

Seokbinggo
Situs Makam Gaya

Changnyeong punika kathah tilaran sejarah kadosta :

  • Changnyeong Seokbinggo utawi Griya Es Changnyeong punika jinising gudhang ing nginggilipun lemah ingkang dipunginakaken kanggé nyimpen watu ès.[1] Seokbinggo dipunbangun nalika masa Dinasti Joseon (1392-1910) lan kalebet Harta Nasional Korea Selatan No.310.[1]
  • Cheok-gyeongbi (monumen watu) inggih prasasti ingkang dipunbangun déning Raja Jinheung saking Silla.[1] Monumèn punika kalebet harta nasional nomor 33 lan mapan wonten ing taman Manokjeong, kutha Changnyeong.[1] Cheok-gyeongbi jumeneng ing taun 561 kanggé mengeti penaklukkan Silla awit saking kerajaan Bihwa Gaya.[1]
  • Changnyeong cheok-hwabi punika salah satunggaling monumèn ingkang dipunbangun déning Heungseon Daewongun (bapak Kaisar Gojong) nalika taun 1871 ing sadaya negeri minangka lambang nentang marang imperialisme kulon.[1]
  • Changnyeong-gaeksa punika bangunan panyipengan tua ingkang jumeneng kirang langkung 300 taun kepengker.[1] Bangunan ingkang dipundamel tanpa ngginakaken piranti paku punika sampun bola-bali dipunpindhah lan dipunbangun malih, ananging tasih nedahaken arsitèktur ingkang asli.[1]
  • Pagoda tiga tingkat ing desa Suljeong. Pagoda punika dipunanggep sami éndahipun kalihan Pagoda Seokga ing Kuil Bulguk ing Gyeongju lan dipunbangun kanthi wekdal ingkang sami, ananging bagéyan pucukipun boten kantun malih. Jejulukipun punika Pagoda Wetan.
  • Kompleks Gundukan Makam Gyodong.[4] Situs makam punika kalebet Situs Mawi Sejarah Korea Selatan No.80 ingkang ndhapuk gundukan-gundukan bukit alit ingkang kalebet tilaran Kerajaan Bihwa Gaya.[4]
  • Museum Changnyeong inggih punika muséum ingkang nedahaken 1.012 artefak tilaran Kerajaan Bihwa Gaya.[1]
  • Gwallyongsa utawi Kuil Gwallyong inggih punika kuil ingkang mapan wonten ing sikiling Gunung Hwawang.[1] Kuil punika dipunbangun nalika masa kerajaan Silla.[5] Aula utami kuil, Yaksa-jeon sarta patung Buddhanipun kalebet harta nasional.[5]

Hwawangsan[besut | besut sumber]

Gunung Hwawang

Hwawangsan utawi Gunung Hwawang inggih punika gunung kanthi inggil 2.600 meter lan kondhang minangka objek wisata amargi kaéndahanipun.[1] Nalika mangsa semi, Hwawangsan kebak kalihan kembang azalea kanthi werna ungu.[6] Dene nalika mangsa panas saking wewatuan punika medal tuk (mata air).[1] Ing mangsa gugur gegodhongan ing gunung punika wonten wernanipun lan padang suketipun dados kuning kados emas ugi kebak kalihan kembang eulalia.[1][6] Ing gunung punika saben taun dipunwontenaken festival kembang api.[1] Ing Hwawangsan wonten Bèntèng Hwawangsan ingkang dipunbangun déning Jenderal Gwak Jae-u nalika masa Dinasti Joseon minangka perlindungan ing masa Invasi Jepang dhateng Korea ing taun 1592.[6]

Cathetan suku[besut | besut sumber]

Commons-logo.svg
Wikimedia Commons gadhah galeri bab:
  1. ^ a b c d e f g h i j k l m n o p q r (en)Bae Han-Bong (2007). "Changnyeong—Reminders of the Past Offer Hope for the Future" (PDF). Koreana 21: 65–73.  Unknown parameter |month= ignored (help)
  2. ^ a b Lee, Yong-su (2000). "Upo Wetlands" (PDF). Koreana 14.  Unknown parameter |month= ignored (help)
  3. ^ (id)Telur burung ibis berjambul berhasil ditetaskan di rawa Upo, kbs.
  4. ^ a b (en)Changnyeonggyodonggobungun (Ancient Tombs in Gyo-dong, Changnyeong), ocp.go.kr.
  5. ^ a b (en)Gwallyongsaseokjoyeoraejwasang (Seated stone buddha statue of Gwallyongsa Temple), jikimi.cha.go.kr.
  6. ^ a b c (en)Mt. Hwawangsan, san.go.kr.

Pranala njawi[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Changnyeong&oldid=1014401"