Ratna Listy
| Ratna Listy | ||
|---|---|---|
 | ||
| Biodata | ||
| Lair | Agustus 2, 1973 | |
| Asal |  Madiun, Jawa Timur, Indonésia | |
| Pakaryan | Penyanyi, Aktris, Presenter | |
Ratna Listy punika gadhah asma jangkep Ratna Sulistyaningsih (lair ing Madiun, Jawa Timur, 2 Agustus 1973).[1] Ratna Listy punika salah setunggaling penyanyi, juru main sinétron, saha presenter Indonésia.[1] Ratna Listy miwiti karir nalika menang lomba Bintang Radio saha TV se-Jawa Timur nalika taun 1989. Sasampunipun punika Ratna Listy lajeng dados penyanyi profésional.[1] Album ingkang naté dipundamel kados ta Obsessy (1998), Adzan (2002), Hitam Putih (2006) dhuet kaliyan Agus Dhukun, saha album tradhisional ingkang dipundamel kaliyan Doel Sumbang saha Nini Carlina.[1] Kajawi dados penyanyi, Ratna Listy ugi dados juru main sinétron.[1] Sinetron ingkang naté dipunbintangi Ratna Listy inggih punika sinétron kanthi irah-irahan Tanda Akhir Zaman, Menjemput Impian, saha serial misteri Pengantin Iblis ingkang dipunsiyaraken wonten ing TPI, saha sinétron Shakila, Perkawinan.[1] Ratna ugi naté dados presenter acara Panorama ing ANTV saha Bedah Rumahing RCTI.[1] Kajawi gadhah karir ing donyaning hiburan, Ratna Listy ugi gadhah bisnis.[1] Ratna punika alumni saking Fakultas Ékonomi Universitas Brawijaya, Malang.[1] Ratna kaliyan garwanipun ndamel PT Cendrawasih Budi Mulia ingkang gadhah usaha wonten ing babagan distributor bahan bakar mirunggan, Pertamax.[1] Amargi operasional perusahaan sadinten-dintenipun dipuncepeng garwanipum, Ratna banjur ndamel sub departemen kanthi babagan usaha event organizer (EO) kanthi nama Ratna Listy Production.[1] Kados EO limrahipun usaha ingkang dipunlampahi punika kados ta wedding organizer, launching product, gathering, ngantos pagelaran.[1] Ratna Listy ugi naté dados dhalah wonten ing teater ing Taman Ismail Marzuki, Jakarta.[2]
Ratna nikah kaliyan pengusaha ingkang namanipun Swastiarso Herry Putranto nalika tanggal 7 Juli 2002.[1] Saking pernikahan punika Ratna patutan ingkang cacahipun kalih inggih punika Swara Reiki January saha Swara Keisyah Alma Nova.[1]
Cathetan suku
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |