Agus Dhukun

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Agus Dhukun
Agus Dhukun.jpg
LairAgus Dhukun
Jeneng liyaDhukun AS
Taun aktif2001

Agus Dhukun (lair lan kondhang ing Kediri, 5 Agustus 1970) dhèwèké iku musisi lan pengusaha.[1] Agus Dhukun "Penjahat Seni" kondhang dadi musisi, ora mung dadi musisi dhèwèké uga dadi pangusaha stasiun radio.[1] Dhèwèké ngripta album Hitam Putih 1 lan 2 nggandeng musisi-musisi senior koyo Mus Mujiono, Ryan Kyoto, Jopie Item, Ballyanto, Herman Leumani, Hendri Lamiri, Ipul Singo, Benny Ashar, Hardy, lan Rizal Mantovani, dhèwèké sok ngurusi babagan apa kang ana gayutané karo bisnis radio, kaya ta radio komunitas.[1] Dhèwèké duwé lima stasiun radio, ya iku RAD, radio kang arané dijupuk saka Radio Agus Dhukun, ana ing Kemanggisan, RAD ning Ciputat, RAD ning Ciseeng, RAD ning Bekasi lan RAD ning Tangerang.[1]

Pendiri Persatuan Radio Komunitas Républik Indonésia iku uga ngadegaké grup musik kang jenengé A-Dhu Band.[1] Ning grup musik iku, anggotané ya iku dhèwèké dhéwé, Mus Mujiono, Erren Dwi Pratiwi alias Tiwi KDI 4, lan Irghi Barens, Vino D Rossy lan Deddy Namoza, grup musik iki wis ngerilis album.[1]

Ning kauripan pribadiné, dhèwèké urip bebrayanan lan nduwé anak Mohammad Taksoko Wibowo Hendroharto.[1] Sakloron meh baé nglakoni cerai ning taun 2006 mbiyen, amarga Agus dituding wis selingkuh karo Ratna Listy.[1] Meski kaya iku, akiré kaluwargané tetep bisa dadi siji lan ora sida cerai.[1] Ora namung ngurusi bisning ning radio, dhèwèké uga nyetak tabloid mirunggan radio, kang dijenengi Radio.[1]

Ning taun 2010, dhèwèké nantang Uya Kuya kanggo tandhing hipnotis.[2] Agus dhukun ngakuni manawa dhèwèké wis nguwasani ngèlmu hipnotis lan rencanané bakal ngadegaké padepokan BHTT (Bela diri Hipnotis Tenaga dalam Terpadu).[2] Dhèwèké sinau ngèlmu hipnotis ing kutha-kutha kaya ta ning Jakarta, Banten, Cirebon, Semarang, Surabaya, Bali lan Lombok.[2] Mula dhèwèké wani nantang tandhing karo Uya Kuya, babagan ngèlmu hipnotis.[2] Dhèwèké iku priya kang kacathet dadi PNS ning Perpajakan.[2]

Miturut dhèwèké hipnotis ora kanggo kadurjanan, nanging bisa uga kanggo nentremaké batin.[2] Hipnotis iku, bisa minangka nenangaké batin lan ngendalikaké pikiran.[2] Amarga kabèh lelara asalé saka pikiran, mula bisa kanggo ngurangi rasa lara.[2] Ilmu hipnotis ana loro macemé ya iku kang akèh kleniké versi Timur lan versi Barat (modern) kang luwih ngolah pikiran.[2]

Cathetan suku[besut | besut sumber]

  1. a b c d e f g h i j biografi Agus Dhukun dipununduh tanggal 01 September 2011
  2. a b c d e f g h i berita Agus Dhukun dipununduh tanggal 01 September 2011