Raedu Basha
Raedu Basha (lair ing Sumenep, Madura, Jawa Timur, 3 Juni 1988; umur 35 taun) inggih punika salah satunggalipun sastrawan saking Indonesia. Namanipun misuwur lumantar pakaryanipun awujud carita cekak, geguritan, lan éséi sastra ingkang dipunmot wonten sawenèh ariwarta lan kalawarta. Raedu naté dados dutaning sastrawan Indonésia wonten pahargyan Ubud Writers & Readers Festival (UWRF) 2015, salah satunggal saking nem festival sastra ingkang saé piyambak sadonya.[1]
Latar wingking[besut | besut sumber]
Raedu Basha punika asma péna saking Badrus Shaleh utawi Basha. Piyambakipun lair ing Bilapora, Sumenep Madura, Jawi Wétan, tanggal 3 Juni 1988. Awit taksih nèm sampun ngraketi jagat kesenian, mliginipun sastra. Raedu nglampahi pendhidhikan wonten sapérang pondok pesantren lan pawiyatan luhur. Taun 2014 Raedu ngrampungaken Pascasarjana Ilmu Antropologi, Fakultas Ilmu Budaya, Universitas Gajah Mada Yogyakarta. Pakaryanipun awujud geguritan, carita cekak, lan éséi sastra sampun kathah kamot wonten sawenèh ariwarta lan kalawarta antawisipun Kalawarta Horison, Jawa Pos, Republika, Media Indonesia, Indopos, Pikiran Rakyat, Kedaulatan Rakyat, Suara Merdeka, Surabaya Post, Sumut Pos, Kalawarta Basis, Koran Merapi, Rakyat Sumbar, Harian Fajar Makassar, Harian Carawala Makassar, Kalawarta Sabili, Kalawarta Tebuireng, Kuntum, Bende, NU Online, Jejak Bekasi, Koran Merapi Pembaruan, Sidogiri Media, Radar Jawa Pos, lan Kompas.com. Buku kempalan geguritan sesarengan ingkang ngemot geguritanipun; Puisi di Jantung Tamansari (15 Penyair Festival Kesenian Yogyakarta, 2014), Memo untuk Présidhèn (PMK, 2014), 17.000 Islands of Imagination (Ubud Writers & Readers Festival, 2015). Awit saking kaprigelanipun ing babagan sastra ndadosaken piyambakipun asring nampi pangaji, lan katimbalan minangka pawicara dhiskusi, gladhèn sastra, lan maos pakaryan wonten adicara sastra ing Indonesia. Pakaryanipun piyambak antawisipun Matapangara (kempalan geguritan, 2014), The Melting Snow (novèl, 2014).[2][3][4]
Pakaryan[besut | besut sumber]
Bebungah[besut | besut sumber]
- Bebungah Cipta Puisi Muktamar Nahdlatul Ulama ke-33 (2015)
- Bebungah Cipta Puisi Jurnal Sajak (2015)
- Bebungah Anugerah Sastra Universitas Gadjah Mada (2014)
- Bebungah Sayembara Penulisan Puisi Tingkat Nasional Pusat Bahasa Depdiknas RI (2006)
- Bebungah cipta puisi Taman Budaya Jawa Timur (2006)
- Juara maos geguritan tiga basa ing Pondok Pesantren Al-Amien Prenduan Madura (2007)
- Bebungah Cipta Puisi Teater Kedok & Piala Wali Kota Surabaya (2007)
- Bebungah Cipta puisi PSK Kendal (2014)
- Bebungah saking Institut Ilmu Keislaman Annuqayah (2012)
- Nominasi carita cekak Sayembara Carita Cekak LPM STAIN Purwokerto (2012 dan 2013)
- Agrinex Indonesia cipta & baca puisi Institut Pertanian Bogor (2007)
- Nominasi Sayembara Carita Cekak ing Kalawarta Kuntum Yogyakarta (2013)
- 15 Panggurit Nem wonten Festival Kesenian Yogyakarta ke-26 (2014)
- 16 Sastrawan Nem Indonesia wonten Ubud Writers & Readers Festival (UWRF, 2015)
Rujukan[besut | besut sumber]
- ↑ Profil Raedu Basha[pranala mati permanèn], kapundhut 6 Mèi 2015
- ↑ Sema RTV FKIP UNS Archived 2015-12-08 at the Wayback Machine., kapundhut 6 Mèi 2015
- ↑ LPM Arena: Negeri surga yang berhikayat, kapundhut 6 Mèi 2015
- ↑ Bukabuku: Raedu Basha Archived 2015-12-08 at the Wayback Machine., kapundhut 6 Mèi 2015
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |