R.A. Kosasih

R.A. Kosasih
R.A. Kosasih
	Barkas:RAKosasih.jpg R.A. Kosasih pada taun 1970-an
Born	Bogor, Jawa Barat
Area(s)	Penulis; Pemensil; Peninta; ;
Notable works	Sri Asih ; Siti Gahara ; Mahabarata ; Ramayana

R.A. Kosasih (ingkang miyos wonten ing Bogor, Jawa ulon tanggal 4 April 1919 lan séda ing tanggal 24 Juli 2012) inggih punika salah satunggaling komikus lan pujangga ingkang misuwur ing Indonésia.^[1] Generasi komik ing wekdal sapunika nganggep bilih piyambakipun dados Bapak Komik Indonésia.

Karya-karyanipun ingkang paling wigati inggih padatanipun ingkang gayut kaliyan kasusastran Hindhu (Ramayana lan Mahabharata) lan sastra tradhisional Indonésia, mliginipun inggih saking sastra Jawa lan Sunda. Kajawi punika, piyambakipun ugi nggambar sapérangan komik silat ingkang gadhah pangaribawa saking Tionghoa, nanging boten patos kathah.

Padamelanipun

Kosasih sampun wiwit nggambar ing taun 1953, lajeng piyambakipun medal lan madeg saha pensiun ing taun 1993. Kosasih inggih kathah-kathahipun nggambar sketsa-sketsa cemeng lan pethak tanpa ngginakaken warna.

Kosasih inggih miwiti padamelanipun wonten ing penerbit Melodi ing Bandung. Nanging karya-karyanipun ingkang misuwur inggih dipunwedalaken déning Maranatha. Ing pungkasanipun dasawarsa taun 990 nan karya-karyanipun Kosasih lajeng dipunwedalaken malih déning Elex Media Komputindo lan penerbit Paramita ing Surabaya. Kosasih séda wonten ing yuswa 93 taun.^[2] Sesarengan kaliyan S. Ardisoma (salah satunggaling komikus wayang purwa) lan Oerip (salah satunggaling komikus Jabang tutuka), R.A. Kosasih inggih ugi ngrameaken khasanah komik wayang. Mahabarata lan Ramayana inggih karyanipun ingkang sanget monumental. Nanging sajatosipun ingkang saged damel misuwur namanipun RA Kosasih inggih punika cariyos tokoh Sri Asih. Sri Asih inggih nyariosaken satunggaling pagesanganipun tokoh superhero èstri ingkang tansah remen mbrastha tumindak ala lan ugi seneng tetulung dhateng tiyang sanès ingkang mbetahaken pitulunganipun. Kanthi tanpa kinira, Sri asih punika saged medal ing pundi kemawon papan kanthi cara mabur kados gambaranipun roket kanggé ngrampungaken satunggaling prakawis ingkang wonten lan sasampunipun piyambakipun ngrampungaken masalahipun, Sri Asih ugi badhé ical kemalih tanpa kinira. Komik Sri Asih punika dipunwedalaken sepisanan ing taun 1954 déning penerbit Melodie, Bandung.^[3]

Karyanipun

Déné tuladha karya-karyanipun Kosasih ing antawisipun inggih punika kados makaten:

Sri Asih (1950) saged dipunanggep minangka tokoh superhero Indonésia ingkang sepisanan.
Siti Gahara
Ramayana
Mahabharata

Cathetan suku

↑ "RA Kosasih: Bapak Komik Indonesia". Diarsip saka sing asli ing 2012-12-19. Dibukak ing 2013-03-22.
↑ R.A. Kosasih Tutup Usia, www.antaranews.com, dipunundhuh ing tanggal 23 Maret 2013.
↑ "Kosasih, RA". Diarsip saka sing asli ing 2016-03-05. Dibukak ing 2013-03-22.

[1] "RA Kosasih: Bapak Komik Indonesia". Diarsip saka sing asli ing 2012-12-19. Dibukak ing 2013-03-22.

[2] R.A. Kosasih Tutup Usia, www.antaranews.com, dipunundhuh ing tanggal 23 Maret 2013.

[3] "Kosasih, RA". Diarsip saka sing asli ing 2016-03-05. Dibukak ing 2013-03-22.

[1]

[2]

[3]