Pulo Raya

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

4°52′33″N 95°21′46″E / 4.87583°N 95.36278°E / 4.87583; 95.36278

Sesawangan Pulau Raya di taun 1920-an
Pulo Raya

Pulo Raya inggih taksih kalebet salah satunggaling pulo ing Indonésia. Pulo Raya mapan ing sisih paling njawi saking nagara Indonésia ing Samudra Hindia, ing laladan watesaning Indonésia lan nagara India. Pulo Raya ini taksih kalebet wewengkon pamaréntahan kabupatèn Acèh Barat, provinsi Nanggroe Acèh Darussalam. Pulo punika mapan wonten ing sisih wétan saking Acèh kanthi koordinat 4° 52′ 33″ LU, 95° 21′ 46″ BT. Pulo Raya inggih kalebet salah satunggaling saking 92 pulo lit paling njawi Indonésia ingkang kaserat wonten ing Peraturan Présidhèn No 78 Tahun 2005.[1] Punika gadhah teges bilih pulo ingkang gadhah 23 hektar alas saha 43 hektar perkebunan punika panci strategis papanipun. Pulo Raya gadhah aji strategis minangka titik dhasar saking garis pangkal kapuloan Indonésia wonten ing penetapan wewengkon perairan Indonésia, Zona Ékonomi Ekskulusif Indonésia, saha Landas Kontinen Indonésia.

Géografi[besut | besut sumber]

Manawi dipuntingali saking papan wewengkonipun, Pulo Raya mlebet Désa Pulo Raya, kacamatan Sampoiniet, kabupatèn Acèh Jaya, lan sampun wonten warga masarakat ingkang dados pendhudhuk ing pulo punika. Saking titik pangkal saha penunjuk garis pangkal, Pulo Raya gadhah titik dhasar TD. 174 TR. 174. Jarak TD.174 - TD.175 = 25,87 nm saha garis pangkal lurus kapuloan.[1]

Topografi[besut | besut sumber]

Pulo Raya gadhah elevasi ing antawisipun 0 - 30 mèter saking nginggil toya laut. Laladan ingkang gadhah dhuwur ingkang béda boten patos ketara kaliyan dhataran inggil ingkang mapan wonten ing sapinggiring segara dumugi ing tengah pulo. Topografi pasisir Pulo Raya gadhah jero ingkang béda saking 2 dumugi 30 mèter kanthi dhuwuripun ombak udakawis 0,5 - 1,5 mèter. Pola arus ilining toya ing Pulo Raya inggih maujud saking pola ilining toya saking Samudra Hindia saha arus pasang surutipun pasisir.[2]

Litologi[besut | besut sumber]

Pulo Raya inggih pulo alit ingkang sitinipun maujud saking endapan aluvium. Endapan aluvium punika dangunipun sampun wiwit jaman resen utawi holosen ingkang punika amargi kasil saking wotenipun erosi saha abrasi saking jinis watu ingkang langkung dangu umuripun, inggih punika jinis watu gamping fromasi wapulaka saha kapur. Déné ing dataran pasir pasisir inggih maujud saking endapan aluvium wujud pasir, lanau, lempung, saha krikil.[2]

Klimatologi[besut | besut sumber]

Ing pulo Raya iklim ingkang wonten inggih punika iklim tropis. Deres botenipun jawah ingkang mandhap wonten ing Pulo Raya inggih kados curah udan ing Pulo Rondo, inggih saged dumugi 2.123,4 m/taun kanthi gunggungipun dinten ingkang mandhap jawah inggih punika 127 dinten/taun. Temperatur ing sakitering Pulo Raya inggih antawisipun 20,7 °C – 31,24 °C. Banteripun angin ing Pulo Raya punika inggih ngantos 12,1 knot, kanthi arahipun angin tumuju dhateng sisih kulon.

Cathetan suku[besut | besut sumber]

  1. a b [1] Pulau Raya dipunundhuh tanggal 4 Januari 2013)
  2. a b [2] Pulau Raya (Salah Satu Pulau Pulau Kecil Terluar di NAD) (dipunundhuh tanggal 4 Januari 2013)