Provinsi Groningen

Saka Wikipédia Jawa, bauwarna bébas abasa Jawa
Lokasi Provinsi Groningen

Groningen (basa Groningen: Pervìnzie Grönnen) iku sawijining provinsi ing Walanda.[1] Groningen dumunung ing sisih lor Walanda.[1] Kutha krajanné Groningen ya iku kutha Groningen.[1] Padunung Groningen cacahé sakiwa-tengené 577.081 jiwa (30 november 2009), ya iku saprateluné manggon ana ing kutha krajan Groningen.[1]

Provinsi Groningen wewatesan karo Waddenzee ana ing sisih lor, dene ing sisih wetan segara watese ya iku kali Eems kang kalebu ana ing nagara Jerman lan Dollard (uga duweke Jerman lan kalebu bagéan saka Segara Wadden, Dollard iki dadi panggon kanggo nampung banyu saka kali Eems sakdurunge diilekke menyang segara lor), ana ing sisih kulon uga watesé karo nagara Jerman pasé ya iku ana ing nagara bagéan Niedersachsen, lah ing sisih kidul watesé ya iku provinsi Drenthe, lan ing sisih kulon uga wewatesan karo provinsi Friesland.[2]

Provinsi iki kalebu dadi provinsi paling cilik ana ing wewengkon Walanda.[1] Amba saka wewengkon provinsi iki ya iku 2.960,03 km².[1] Amba dharatané ya iku 2.333,28 km² lan turahané ya iku awujud segara.[1] Provinsi iki mbiyèn dibagi dadi 25 gemeente, nanging wiwit tanggal 1 Januari 2010 provinsi iki dibagi dadi 23 gemeente, mergane ya iku 3 gemeente ya iku Winschoten, Scheemda lan Reiderland saiki kalebu ana ing wewengkon anyar kang ajeneng gemeente Oldambt.[1]

Cathetan suku[besut | besut sumber]