Planit cilik

Saka Wikipédia Jawa, bauwarna mardika basa Jawa
(Kaelih saka Planèt cilik)
Barkas:Pluto artistimpression.gif
Gambar seniman:Pluto kaliyan satelitipun Charon ing sakngajengipun. Pluto kaanggep planit sampun 76 taun, nanging lajeng dipunklasifikasi kalebet ing planit cilik ing taun 2006.

Planit cilik utawi planit alit (basa Inggris: dwarf planet, basa Indonésia: planet katai utawi planet kerdil) punika sebatan kanggé bandha-bandha langit ing Tata Surya ingkang mèmper kaliyan ciri-ciri:

  • ngorbit ngililingi srengéngé
  • gadhah massa ingkang cekap kanggé gadhah gravitasi piyambak supados saged ngatasi tekanan rigid body saéngga bandha akasa kasebat gadhah wangun ekuilibrium hidrostatik (wangunipun méh bunder)
  • dèrèng "ngresikaken lingkungan" (clearing the neighborhood; ngosongaken orbit supados boten dipunpangèni bandha-bandha akasa ingkang ukuranipun cekap ageng sanèsipun kejawi satelitipun piyambak) ing laladan sakiwa-tengené orbitipun
  • boten wujud satelit satunggiling planit utawi bandha akasa nonbintang sanèsipun

Kategori "planit cilik" punika dipunciptaaken ing pepanggihan Persatuan Astronomi Internasional tanggal 24 Agustus 2006. Adhedhasar dhefinisi punika Pluto kedah malèh statusipun saking planit dados planit alit amargi Pluto dèrèng ngosongaken laladan ing kiwa-tengené orbitipun (Sabuk Kuiper).

Pratélan planit alit[besut | besut sumber]

Ing ngandhap punika dhaftar bandha akasa ingkang sampun kaparingi status "planit alit" déning IAU[1]:

Nama Kategori Dhiameter Massa
Pluto Plutino 2306±20 km ~1,305 × 1022 kg
Eris Piringan tersebar 2400 km ± 100 km boten dipunmangertos
Ceres Asteroid 975×909 km 9,5 × 1020 kg

Ugi pirsani[besut | besut sumber]

Réferènsi[besut | besut sumber]

  1. "IAU 2006 General Assembly: Result of the IAU Resolution votes". Diarsip saka sing asli ing 2006-11-07. Dibukak ing 2007-12-06.