Philip A. Potter

Saka Wikipédia Jawa, bauwarna bébas abasa Jawa

Philip Alford Potter ya iku pemimpin saka Gréja Metodis lan dadi sekretaris jendral Dewan Gréja-gréja sadonya (DGD) kang katelu (1972-1984).[1] Potter lair di Roseau, Dominika pada 18 Agustus 1921.[1]. Potter lair saka kulawarga Kristen, bapake ya iku Katolik lan ibune ya iku Protèstan.[2]. Wiwit nalika isih enom Potter wis mèlu ana ing kagiyatan kagiyatan kang ana gagayutane karo gréja.[2] Nalika taun 1947, dhèwèké dadi wakil ana ing Gerakan Mahasiswa Kristen ing nagara Jamaika kanggo mèlu konferènsi nom-noman Kristen ing Oslo, Nurwègen.[2] Dhèwèké banjur dadi pembicara ana ing sidang raya DGD ing Amsterdam (1948) lan Evanston (1954). Taun 1960-1986 dhèwèké duwé peran sarta ana ing Federasi Mahasiswa Kristen Dunia (WSCF).[2] Sadawane taun 1972-1984 dhèwèké dadi sekretaris jendral Dewan Gréja-gréja sedonya.[2] Sawijining perjuangan saka Potter kang ora bisa dilaleke ya iku nalika dhèwèké ngembangaké kesepakatan saka dokumen BEM (Baptism, Eucharist and Ministry), lan ndadèkaké lanjutan saka kampanyene kang anti-apartheid ing Afrika Kidul lan kabèh wujud penindasan liyané.[2] Sawisé ora njabat dadi sekretaris jendral ya iku nalika taun 1984, Potter tetep aktif mèlu ana ing kagiyatan-kagiyatan ekumenis, nganti tekan Sidang Raya angka 9 DGD ing Kutha Porto Alegre, Brazil (2006).[3] Jeneng Philip Potter uga diabadike kanggo jeneng pusat pabukon ekumenis kang ana ing Jenewa, Swiss, amarga dhèwèké rajin nyileh buku lan majalah, uga mènèhi sumbangan marang pabukon mau kang awujud buku utawa tilisan-tulisané.[3]

Cathetan suku[besut | besut sumber]

  1. ^ a b Philip Potter, Ans Joachim Van der Bent. 1978. What in the World is the World Council of Churches?: An Interview with Philip Potter. Geneva: World Council of Churches.
  2. ^ a b c d e f Samuel Kobia. "A tribute to Philip Potter on his 85th birthday". World Council of Churches. 18 August 2006. Dijupuk 02-05-2011.  Priksa gandra date ing: |access-date= (pitulung)
  3. ^ a b "WCC Ecumenical Library renamed Philip A. Potter Library". World Council of Churches. 27 November 2009. Dijupuk 02-05-2011.  Priksa gandra date ing: |access-date= (pitulung)