Persis Surakarta
 | |||
| Jeneng dawa | Persatuan Sepakbola Indonesia Surakarta | ||
|---|---|---|---|
| Paraban | Laskar Sambernyawa (en: Sambernyawa Army) Jatayu Sala (en: Sala Jatayu) | ||
| Yasa | 1923 | ||
| Setadhiyon | Setadhiyon Manahan Surakarta | ||
| Momotan | 20.000 | ||
| Baku | Kaesang Pangarep 40% Kevin Nugroho 30% Erick Thohir 20% | ||
| Mantri |  Kaesang Pangarep | ||
| Liga | Liga 1 | ||
| 2023-2024 | Premier Division, 7th | ||
| |||
Persis Surakarta (Persatuan Sepak Bola Indonesia Surakarta), kang kaloka mawa jeneng Persis Solo yaiku pakumpulan bal-balan profésional Indonésia kang asalé saka Kutha Surakarta, Jawa Tengah. Wiwitané klub iki migunakaké jeneng Vorstenlandsche Voetbal Bond (VVB), kang kayasa déning Sastrosaksono, Radèn Ngabèhi Reksodiprodjo, lan Soetarman ing 8 Nopèmber 1923. Anané Sumpah Pemuda nalika 28 Oktober 1928, satemah klub iki sulih jeneng dadi Persis. Kajaba iku, Persis Surakarta iku dadi salah siji saka pitung klub kang mrakarsani madegé PSSI ing 19 April 1930.
Ing taun 2022 Persis Solo bisa bali main ing Liga 1, liga puncak bal-balan Indonésia awit klub iki wis kasil olèh gelar juwara Liga 2 mangsa 2021. Mulabuka bangkité Persis Solo iku awit taun 2021 sinengkuyung déning Kaesang Pangarep minangka putra asli Surakarta uga putra wuragilé Présidhèn Joko Widodo. Nalika semana Kaesang bebarengan karo Kevin Nugroho lan Erick Thohir nyengkuyung lumantar dana lan pangembangan klub satemah bisa ngrembaka moncèr ing jagading bal-balan nasional.[1][2]
Persis Sala yaiku klub bal-balan kang diadegaké nalika taun 1923 ing Kutha Surakarta, Jawa Tengah, Indonésia.[3] Persis Sala yaiku raksasa bal-balan Indonésia ana ing jaman dhisik, Persis tau dadi juara kompetisi Perserikatan kaping pitu, nanging kajayan mau ana nganti pungkasan taun 1940-an, amarga sawisé iku tim persis degradasi nganti tekan Divisi 3.[3] Ana ing mangsa 2006 Persis bisa dadi jawara loro utawa runner up nalika main ing Divisi Satu Liga Indonésia.[3] Amarga prestasi iki persis banjur promosi menyang Divisi Utama ana ing mangsa kompetisi 2007-2008. Saiki Persis markase ing Stadion Manahan, kang duwé kapasitas 20.000 panonton.[3] Persis dijuluki "Laskar Samber Nyawa".[3] Persis duwé suporter fanatik kang biyasa dijenengi Laskar Pasoepati (Pasukan Soeporter Pelita Sejati).[3] Ketua Umum Persis taun 2006 yaiku FX Hadi Rudyatmo utawa kang akrab disapa Rudy. Manajer: Sumartono Hadinoto, dibantu déning asisten manajer lan Sekretaris Manajer Abraham EWT.[3]
Sajarah
[besut | besut sumber]Wiwitan diwangun persis dijenengi Vorstenlandsche Voetbal Bond (VVB), yaiku kaya pakumpulan bal-balan kang ana ing Kutha Sala.[4] VVB yaiku dadi pelopor bal-balan kang ana ing Indonésia.[4] Dianggep pelopor bal-balan ing Indonésia amarga VVB kadhapur sadurungé klub-klub bal-balan ing Indonésia, malah uga sadurungé PSSI utawa Persatuan Bal-balan Seluruh Indonésia.[4] VVB didirikake wiwit taun 1923 déning Sastrosaksono saka Klub Mars lan R. Ng. Reksodiprojo lan Sutarman saka Klub Romeo.[4]
Setadhiyon
[besut | besut sumber]
Setadhiyon Manahan kajibah minangka setadhiyon kandhangé Persis Surakarta. Wangunan setadhiyon iki bisa ngamot nganti 20.000 panonton lan wis ngetrepaké international standard saka FIFA.[5] Suket kang digunakaké ing setadhiyon iki yaiku Dactylon Cynodon. Fasilitas kang ana ing Manahan wis kagolong pepak, awit anané lapangan bal-balan, jalur lintasan atlétik, kamar ganti, ruang pemanasan, klinik, papan kanggo wartawan lan konferènsi pèrs, uga sawenèh kantor.
Kajaba iku, Persis anggoné gladhèn utawa latihan uga migunakaké Setadhiyon Sriwedari kang ana ing Dalan Slamet Riyadi, lapangan Kotabarat, lan lapangan Banyuanyar.
Suporter
[besut | besut sumber]- Pasoepati
- Surakartans
- Ultras 1923
Gladri
[besut | besut sumber]-
Tetandhingan antarané Persis Solo vs Semen Padang taun 2025. -
Setadhiyon Manahan minangka kandhangé Persis Solo ing Liga Primer Indonesia taun 2011. -
Patung Obor Manahan.
.jpg)
Cathetan suku
[besut | besut sumber]- ↑ "Posisinya Tepat di Bawah Pundak Kaesang Pangarep, Kevin Nugroho Bukanlah Nama Baru untuk Persis Solo, Pengusaha Muda yang Jadi Investor Penting di Bisnis Anak-anak Jokowi - Page all". hot.grid.id (ing basa Indonesia). Dibukak ing 2025-03-16.
- ↑ "Gibran, Kaesang, dan Calon Investor Bahas Masa Depan Persis". Republika Online (ing basa Indonesia). 2021-03-18. Dibukak ing 2025-03-16.
- ↑ a b c d e f g www.soccerway.com
- ↑ a b c d Sejarah Persis Solo
- ↑ Putra, Agil Trisetiawan. "Ternyata Jumlah Kursi Stadion Manahan 20.000 Plus 3". detikjateng (ing basa Indonesia). Dibukak ing 2025-03-16.
| Artikel iki minangka artikel rintisan. Kowé bisa ngéwangi Wikipédia ngembangaké. |