Nova Eliza

Saka Wikipédia Jawa, bauwarna mardika basa Jawa
Nova Eliza
PakaryanAktris
Taun aktif2002-saiki
BojoMirwan Suwarso
AnakNaima Malinka
Wong tuwaNurdin AR (bapak)
Cut Rosminar (ibu)

Nova Eliza (lair ing Acèh, 4 Juni 1980; umur 43 taun) iku salah sijiné modhel lan aktris sinétron Indonesia.[1]

Karir[besut | besut sumber]

Nova miwiti karir nalika dadi modhél.[1] Sawisé iku Nova banjur njajal akting.[1] Nova wis dadi bintang ing akèh sinétron.[1] Sinetron kang tau dibintangi Nova kaya ta Karmila, Doaku Harapanku, Waktu Terus Berjalan, Julia Anak Gedongan, Kecupan Kangen, lan Jalan Jaksa.[1] Saliyané sinétron,Nova uga main filem.[1] Nova Eliza iku anak saka pasangan Nurdin AR lan Cut Rosminar.[1] Nova tau akting ing filem garapan sutradara Garin Nugroho, ya iku filem kang judhulé Rindu Kami PadaMu.[1] Saliyané iku, Nova Eliza uga tau tampil ing salah sijiné episode program agama Islam Etika & Akhlak (Hikmah Fajar kang disiyaraké ing RCTI.[1] Taun 2007, Nova uga dadi bintang filem Susahnya Jadi Perawan kang diproduseri Anang Hermansyah.[1]

Kauripan pribadi[besut | besut sumber]

Nova nikah nalika tanggal 10 September 2007 ing Masjid Raya Baiturrahman Banda Acèh.[1] Nova nikah karo sutradara filem "Susahnya Jadi Perawan" kang jenengé Mirwan Suwarso.[2] Pernikahan iki dadi pernikahan kang sepisanan kanggoné Nova nanging pernikahan kang kapindho kanggoné Mirwan Suwarso.[1] Mirwan wis nduwé anak kang cacahé loro saka pernikahan sadurungé.[1] Sadurungé nikah karo Mirwan, Nova tau pacaran karo Eno Gitara Ryanto (drumer Netral), DJ Riri, Shandy Syarief, Surya Saputra, Dimas Seto, lan kang pungkasan digosipaké karo mantan pacar Donna Agnesia, Okan Cornelius.[1] Nova uga tau digosipaké tukaran karo aktris Nana Mirdad amarga Andrew White.[1] Nalika tanggal 26 Dhésèmber 2008 Nova nglairaké anak wadon kang jenenge Naima Malinka.[1]

Cathetan suku[besut | besut sumber]

  1. a b c d e f g h i j k l m n o p selebriti.kapanlagi.com(dipunundhuh tanggal 29 Agustus 2011)
  2. tabloidnova.com Archived 2011-05-11 at the Wayback Machine.(dipunundhuh tanggal 29 Agustus 2011)