Nopia

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Nopia
Nopia.jpg
Praupané nopia
JinisRoti
AjanganNyamikan
Panggonan asalIndonésia
Tlatah utawa prajaKabupatén Purbalingga
Hawa ajanganAdhem
Woworan pokokGlepung, Endhog, Gula
VariasiMino (mini nopia)
Katerangan liyanéRacaké dadi olèh-olèh
Buku masakan: Nopia  Médhia: Nopia

Nopia ya iku salah siji jajanan khas saka kabupatèn Purbalingga.[1] Nopia awujud roti garing kang bentukè lonjong.[1] Nopia yèn ing Semarang dikenal karo jeneng Èndhog Gludug.[2] Nopia digawè saka adonan glepung kang njeronè diisi gula jawa kang dipanggang nganggo tungku kang mirunggan.[2][3] Nopia duwè kulit kang atos lan renyah.[4] Sakliyanè Nopia ana uga Mino ya iku mini nopia utawa nopia kang ukuranè cilik.[4] Nopia uga ana kang bentukè kaya endhog gajah, gedhé nanging njeronè kosong lan gula jawanè nempel ana ing pinggir sisih njero kulit nopia iki.[4] Nopia umumè rasa aslinè ya iku rasa brambang gorèng nanging saiki uga wis ana nopia kang isi durèn, coklat, lan nangka.[4] Prosèsè ngoven nopia antranè 30 menit.

Bahan Nopia[besut | besut sumber]

Bahan gawé nopia dipérang dadi loro, ya iku pérangan kulit lan pérangan isi [5].

Pérangan kulit:

Pérangan isi:

Carane Gawe[besut | besut sumber]

Gawè nopia isih nganggo cara kang tradhisional.[4] Kanggo gawè kulit ya iku glepung trigu dicampur banyu banjur diaduk-aduk nganti dadi adonan.[4] Adonan iku mau banjur digawé bunder-bunder gedhènè sak jempol-jempol.Sakwisè iku banjur bunderan mau diisi nganggo gula jawa kang wis diremuk.[4] Sakwisè dadi banjur dioven nganti tekan mateng.[4]

Cathetan suku[besut | besut sumber]

  1. a b Nopia, Olèh-olèh Khas Purbalingga Sejak 1940 (Dipuntingali tanggal 14 April 2011)
  2. a b Makan Telur Halilintar (Dipuntingali tanggal 14 April 2011)
  3. Narwan Semula Buruh, lalu Mbecak, Kini Majikan (Dipuntingali tanggal 15 April 2011)
  4. a b c d e f g h Nopia (Dipuntingali tanggal 15 April 2011)
  5. Resep Kue Kering (Dipuntingali tanggal 14 April 2011)