Neil Armstrong

Saka Wikipédia Jawa, bauwarna bébas abasa Jawa
Neil Armstrong
Potrèt Neil Armstrong, Juli 1969, nganggo klambi njaba angkasa tanpa hèlm
Armstrong ing taun 1969
Neil Armstrong Signature.svg
Astronot NASA
Nami sanès Neil Alden Armstrong
Kabangsan Amérika Sarékat
Lair (1930-08-05)Agustus 5, 1930
Wapakoneta, Ohio, A.S.
Pati Agustus 25, 2012(2012-08-25) (umur 82)
Columbus, Ohio, A.S.
Pedamelan sadèrèngipun Pamabur laut, juru anggegana uji coba
Wekdal ing ruwang angkasa 8 dina, 14 jam, 12 menit, lan 31 detik
Pamilihan 1958 Man In Space Soonest
1960 Dyna-Soar
1962 NASA Group 2
Total EVAs 1
Total wekdal EVA 2 jam 31 menit
Misi Gemini 8, Apollo 11
Èmblem misi Ge08Patch orig.png Apollo 11 insignia.png
Bebungah Medali Kabebasan Presidhen Medali Kehormatan Antariksa Kongres

Neil Alden Armstrong (lair ing Ohio, Amérika Sarékat, 5 Agustus 1930 – pati 25 Agustus 2012 ing yuswa 82 taun) ya iku astronot, juru anggegana uji coba, tèknisi pamaburan, profésor univèrsitas, lan Pamabur Laut Amérika Sarékat. Panjenengané minangka wong kapisan sing mlaku ing rembulan. Sadurungé dadi astronot, Armstrong iku perwira Angkatan Laut Amérika Sarékat lan tau dhines ing Perang Korea. Sakwisé perang, panjenengané dadi juru anggegana uji coba ing Stasiun Pamaburan Kacepetan Dhuwur Komite Penasihat Pamaburan Nasional, saiki Pusat Panlitèn Pamaburan Dryden, papan panjenengané nyathetaké mèh 900 pamaburan. Panjenengané lulus saka Univèrsitas Purdue lan ngrampungaké sekolah sarjanané ing Univèrsitas California Kidul.

Minangka peserta program pamaburan antariksa manungsa Man In Space Soonest Angkatan Udhara Amérika Sarékat lan X-20 Dyna-Soar, Armstrong gabung karo Korps Astronot NASA taun 1962. Pamaburan antariksa sing kapisan ya iku misi Gemini 8 NASA taun 1966, sing wektu iku panjenengané dadi juru anggegana komandhoné lan dadi warga nagara A.S. kapisan ing njaba angkasa. Ing misi iki, panjenengané nglakokaké mekanisme prapatan lan pelabuhan wahana antariksa rong wahana antariksa sing ngawak kapisan bareng juru anggegana David Scott.

Pamaburan antariksa kaloro lan pungkasan Armstrong ya iku minangka komandhan misi mudhunaké rembulan Apollo 11 sasi Juli 1969. Ing misi iki, Armstrong lan Buzz Aldrin mudhun ing lumahing rembulan lan ngentèkaké 2½ jam njlajahi rembulan, sawetara Michael Collins tetep ing orbit njero Modul Komando. Armstrong dihadhiahi Medhali Kabébasan Présidhèn déning Présidhèn Richard Nixon bareng Collins lan Aldrin, Medhali Pakurmatan Antariksa Kongres déning Présidhèn Jimmy Carter taun 1978, lan Medhali Emas Kongres taun 2009.

Nalika tanggal 25 Agustus 2012, Armstrong tilar donya ing Cincinnati, Ohio,[1] ing umur 82 taun amarga komplikasi saka panyumpelan sirkulasi koronèr.

Taun-taun kapisan[besut | besut sumber]

Neil Armstrong lair tanggal 5 Agustus 1930[2] ing Wapakoneta, Ohio, saka pasangan Stephen Koenig Armstrong lan Viola Louise Engel.[3][4] Panjenengané minangka keturunan Skotlandia lan Jerman, lan nduwèni adhi loro, June lan Dean. Stephen Armstrong makarya minangka auditor[5] kanggo pamaréntah nagara bagéan Ohio, lan kulawargané pindhah-pindhah ing 20 kutha ing Ohio ing 15 taun kapisan sawisé kalairan Armstrong. Kasenenngané kanggo mabur lan ngrembaka ing mangsa iku, wiwit nalika bapaké nggawa Neil sing isih umuré 2 taun ing Cleveland Air Races. Nalika tanggal 20 Juli 1936, nalika umur 6 taun, Armstrong ngrasakaké mabur sing kapisan nganggo montor mabur Ford Trimotor sing diarani "Tin Goose" bareng bapaké ing Warren, Ohio.[6]

Delengen uga[besut | besut sumber]

Cathetan sikil[besut | besut sumber]

  1. ^ "Space legend Neil Armstrong dies". CNN. Dijupuk August 26, 2012. 
  2. ^ "Neil Armstrong Bio - NASA". NASA. Dijupuk May 18, 2011. 
  3. ^ "History of Wapakoneta (or is it Wapaghkonnetta?)". City of Wapakoneta, Ohio. Dijupuk August 25, 2012. 
  4. ^ Hansen 2005, pp. 49–50.
  5. ^ "Neil Armstrong grants rare interview to accountants organization", CBC News, May 24, 2012. Retrieved 2012-05-24.
  6. ^ "Project Apollo: Astronaut Biographies". NASA. Dijupuk May 12, 2011. 

Wacan[besut | besut sumber]

Wacan terusan[besut | besut sumber]

Pranala njaba[besut | besut sumber]

Sing mengku  sadurungé:
Ellsworth Bunker
PenerimaSylvanus Thayer Award
1971
Diganti déning:
Billy Graham
Sumber artikel punika saking kaca situs web: "https://jv.wikipedia.org/w/index.php?title=Neil_Armstrong&oldid=1098998"