Musiyum Wasaka

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Musiyum Wasaka
Rumah Bubungan Tinggi.jpg
Museum Waja Sampai Kaputing
Tetélan pokok
PernahIndonésia Banjarmasin, Indonésia
AlamatJalan Lingkar Utara, Kalurahan Sungai Jingah, Banjarmasin Utara, Banjarmasin

Musiyum Wasaka punika salah satunggaling musiyum ingkang mapan wonten ing Gang H. Andir, Kampung Kenanga Ulu, Kalurahan Sungai Jingah, Kacamatan Banjarmasin Lor, kutha Banjarmasin [1]. Musiyum punika wonten ing pinggiring Lepen Martapura jinejer kaliyan Kreteg 17 Mèi (Kreteg Banua Anyar) ingkang ageng lan dawa.

Sajarah[besut | besut sumber]

Musiyum Wasaka punika musiyum perjuanganipun rakyat Kalimantan Kidul. Asalipun nama Wasaka piyambak saking singkatan tembung Waja Sampai Ka Puting Ingkang ateges perjuangan yang tiada henti hingga tetes darah penghabisan. Punika kalebet sesanti perjuangan rakyat Kalimantan Kidul. Musiyum Wasaka resmi ing tanggal 10 November 1991 kanthi mapan ing griya Banjar Bubungan Tinggi ingkang sampun alih fungsi saking griya dados musiyum minangka usaha kanggé konservasi yasan tradhisional [2].

Kolèksi[besut | besut sumber]

Ing Musiyum Wasaka punika wonten kirang langkung 40 barang ingkang ngandhut aji sajarah lan dipunpamèraken ing musiyum punika, mliginipun ingkang gegayutan kaliyan sajarah perjuangan rakyat lan nom-noman Kalimantan Kidul. Ing antawisipun pratélan organisasi ingkang naté berjuang nentang penjajah kados ta Lasykar Hasbullah ingkang markasipun wonten ing Martapura lan Barisan Pemuda Republik Indonesia Kalimantan ingkang markasipun wonten ing Banjarmasin[3].

Sejatosipun kathah barang tilaran saking manéka perang kados ta Perang Banjar, Perintis Kamardikan, Perang Kamardikan, Pangisian Kamardikan, dumugi periode Orde Baru. Nanging amargi papan ing musiyum ingkang boten saged nampung sadaya tilaran punika lajeng ingkang dipuntedahaken punika ingkang wonten ing periode Perang Kamardikan [4].

Wonten ugi barang-barang tilaran sajarah kados ta: mesin tik kuna, kaca, manéka senajata ingkang kaginakaken para pejuang Banjar ing masa revolusi fisik taun 1945-1949 kados tombak, mandau, bedhil, mortir, sarta sekawan kursi ingkang kala rumiyin dipun-ginakaken déning para perjuang Kalimantan Kidul sami musyawarah utawi rembugan. Lajeng ing témbok ingkang ngubengi sekawan kursi punika wonten larikan gambar gubernur kapisan dumugi gubernur ingkang njabat sapunika. Wonten ugi pit kuna ingkang kala jaman penjajahan punika dipun-ginakaken kanggé ngirim serat kanthi ndelikaken lembaran serat ing awaking pit supados Kolonial Walanda boten mangertos [3].

Cathetan suku[besut | besut sumber]

  1. [1], (id) Museum Wasaka (dipunakses tanggal 22 Januari 2013).
  2. [2], (id) Museum Wasaka (dipunakses tanggal 22 Januari 2013).
  3. a b [3], (id) Museum Wasaka Banjarmasin (dipunakses tanggal 22 Januari 2013).
  4. [4], (id) Dulu rumah kini musiyum (dipunakses tanggal 22 Januari 2013).