Mus Mulyadi

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Mus Mulyadi
Mus Mulyadi
Latar wuri
Jeneng lair Mus Mulyadi
Lair (1945-08-14) Agustus 14, 1945 (umur 74)
Indonésia Surabaya, Jawa Wétan, Indonésia
Pakaryan penyanyi
Pasangan Helen Sparingga

Mus Mulyadi (lair ing Surabaya, Jawa Wétan, 14 Agustus 1945; umur 74 taun).[1] Mus Mulyadi iku salah siji penyanyi keroncong Indonésia.[1] Mus Mulyadi uga éntuk jejuluk si "Buaya Keroncong".[1] Lagu-laguné Mus Mulyadi kang misuwur kaya ta "Kota Sala", "Dinda Bestari", "Telomoyo", lan "Jembatan Merah".[1] Mus Mulyadi tau dadi anggota Favourite Band.[1] Bojoné Mus Muyadi uga penyanyi ya iku Helen Sparingga.[1] Saliyané iku, adhike Mus Mulyadi uga dadi penyanyi pop & Jazz Mus Mujiono ing era 80-an.[1] Sadurungé dadi penyanyi, Mus Mulyadi dadi penyanyi band Irama Puspita kang banjur maleh jenengé dadi Dara Puspita.[1] Mus Mulyadi banjur nggawé grup band kang jenengé Arista Birawa nalika taun 1964.[1] Mus Mulyadi main bas lan ngrangkep dadi vokalis bareng karo Sonata Tanjung.[1] Bareng karo Arista Birawa, Mus Mulyadi nggawé album kang cacahé siji kang diprodhuksi PT Demita Record nalika taun 1965.[1] Mus Mulyadi lan adhiké kang cacahé telu ninggal Surabaya lan nekat lunga ing Singapura nalika taun 1967.[1] Sawisé tau dadi pengangguran, Mus sinau nggawé lagu lan pungkasané dadi lagu kang judhulé "Sedetik Dibelai Kasih", "Jumpa dan Bahagia", nganti éntuk lagu kang cacahé 10 lagu.[1] Mus Mulyadi banjur nawakaké karya-karyané karo Live Recording Jurong nalika taun 1969.[1] Ing Singapura, Mus Mulyadi bisa éntuk dhuwit kang cacahé 2.800 dollar Singapura kanggo LP (piringan ireng) kang cacahé loro.[1] Mus Mulyadi kena lelara diabetes kang ndadèkaké dhèwèké kudu njaga pola mangané.[2]

Cathetan suku[besut | besut sumber]

  1. a b c d e f g h i j k l m n o selebriti.kapanlagi.com(dipunundhuh tanggal 6 September 2011)
  2. tabloidnova.com(dipunundhuh tanggal 6 September 2011)