Menara London

Saka Wikipédia Jawa, bauwarna bébas abasa Jawa
Menara London
Tower of London, Traitors Gate.jpgMenara London saking Sungai Thames
Situs Warisan Donya UNESCO
Pernah Britania Raya Edit this on Wikidata
Kalebu White Tower
inner bailey
moat
outer bailey Edit this on Wikidata
Paugeran (ii), (iv)[1]
Rujukan 488
Koordhinat 51°30′30″N 0°04′34″W / 51.5082°N 0.076198°W / 51.5082; -0.076198
Prasasti 1988 (Sèsi 12th)
Situs jaringan www.hrp.org.uk/tower-of-london/

Yang Mulia Pura lan Benteng Karajan, utawi kawéntar kanthi nama Menara London inggih punika kastil ingkang ngemu aji sajarah ingkang mapan wonten ing pusat kutha London, Inggris wonten ing pinggiring Sungai Thames. Kastil punika wonten ing kawasan London Borough of Tower Hamlets lan kapisah saking ujung wétan kutha London déning ruang ingkang kabikak lan kawéntar kanthi nama Bukit Menara.

Kastil punika dipunyasa nalika taun 1066 dados péranganing Penaklukan Normandia wonten Inggris. Menara punika kalebet péranganing sajarah panaklukan tiyang Normandia, satunggaling wewengkon ing Perancis sisih lor ingkang winatesan kaliyan Selat Inggris. Nalika Duke William saking Normandia nyerang Inggris nalika taun 1066, aksi pisanan sasampunipun ndarat punika yasa kastil utawi menara. sasampunipun penobatanipun ing Westminster Abbey ing dinten natal 1066, Duke William lajeng paring perintah damel astana ing London [2].

Wonten ing taun 1078 Menara London rampun dipunyasa. Menara utawi kastil ingkang yuswanipun sapunika sampun langkung saking 900 taun punika dados simbol penindasan. Amargi menara punika dipun-ginakaken kanggé kunjara awit saking taun 1100. Periode puncak kastil minangka kunjara kapungkasan punika nalika abad kaping 16 lan 17. salah satunggal tokoh ingkang naté dipunpenjara ing papan punika Elizabeth I sadèrèngipun dados ratu [2].

Fungsi[besut | besut sumber]

Menara London punika naté kagungan paraga ingkang wigati ing lelampahaning sajarah Inggris. Menara punika naté dikepung déning musuh saéngga menara punika gadhah perang anggènipun njagi nagara Inggris. Menara London sampun dipunalihfungsiaken ginanipun. Ing antawisipun kanggé gudang senjata, pusat keuangan, kebun kéwan, dalem ingkang resmi tumrap Royal Mint, kantor catatan publik lan papa kanggé nyimpen Mahkota Permata Britania Raya. Awit saking abad kaping 14 dumugi mangsa pamaréntahan Charles II, prosesi panobatan Raja Inggris punika kawiwitan ing menara, dipunlajengaken dhateng Westminster Abbey. Nalika raja nembé boten wonten, wadyabala ingkang dipunwastani Prajurit Menara punika dipunparingi tanggeljawab supados njaga kastil. Jabatan punika kalebet satunggaling kalungguhan ingkang kuwat lan dipupitadosi nalika ing abad tengahan. Nalika abad kapinh 15, menara punika kaginakaken kanggé kunjara Kalih Pangéran. Salajengipun , ing Periode Tudor, menara boten dipun-ginakaken malih dados dalemipun karajan, ananging taksih kanggé bètèng pertahanan.

Fungsi Menara London punika minangka bètèng, astana karajan, lan kunjara. Menara punika dipunopeni kanthi saé lan dipunlebetaken kategori minangka salah satunggaling papan ingkang wingit utawi angker lan kathah memedinipun [3].

Cariyos ing Menara London[besut | besut sumber]

Kisah ingkang paling kawéntar wonten ing Inggris punika pamenggalan Ratu Anne Boleyn (ratu Inggris 1507 - 1536). Anne Boleyn punika garwa kaping kalih Raja Henry VIII. Raja Henry VIII lajeng megat ingkang garwa Katherine of Aragon, pecah kaliyan Roma lajeng dikucilke amargi tresna marang Anne. Ananging banjur tresnanipun pindah dhateng Jane Seymour. Awit saking punika Anne dituduh selingkuh kaliyan kerabatipun George Boleyn, Lord rochford. Raja lajeng damel putusan bilih mantan garwa lan Ratu Inggris punika diparingi ukuman mati lajeng dipunpenggal sirahipun nalika 19 Mèi 1536 [4].

Cathetan suku[besut | besut sumber]

  1. ^ http://whc.unesco.org/en/list/488.
  2. ^ a b [1], Kastil (dipun-akses tanggal 22 November 2012).
  3. ^ [2], Menara London situs warisan donya yang angker (dipun-akses tanggal 22 November 2012).
  4. ^ [3], Menara London (dipun-akses tanggal 24 Dhésèmber 2012).