Kutikula tanduran

Saka Wikipédia Jawa, bauwarna bébas abasa Jawa
Godhong tanduran herba duwé kutikula kanggo ngrendhetake kelangane banyu

Kutikula tanduran ya iku lapisan palindung ing sekabehing sistem tajuk (pérangan tanduran kang ana ing dhuwur lemah) tanduran herba kang duwé fungsi kanggo ngrendhetake kelangane banyu saka godhong, watang, kembang, woh, lan wiji.[1] Tanpa lapisan pelindung iki, transpirasi (ilange uwab banyu lumantar lumahing tanduran) ing meh kabèh tanduran kalaksanan kanti cepat banget saéngga tanduran bakal mati.[1] Kutikula minangka perlindungan marang pirang-pirang patogen tanduran lan marang karusakan cilik mekanis.[1][2] Kutikula uga wigati ing pertanian amarga sipate kang nolak bisa digunakaké ing pirang-pirang semprotan kang ngandhut fungisida, herbisida, insektisida, utawa zat pengatur urip.[1] Amarga sipat hidrofobik (nolak banyu) kutikula, akèh-akèhé formulasi semprotan ngandhut deterjen kanggo mudhunake tegangan lumahing banyu saéngga butir semprotan nyebar ing lumahing godhong.[1]

Akeh-akèhé kutikula kasusun saka campuran pirang-pirang macem komponèn kang sinebut kutin déné sisané ngandhut lilin lapisan panutup lan polisakarida pektin kang nemplek ing dinding sel].[1] Kutin minangka polimer heterogen kang kasusun saka mliginé pirang-pirang kombinasi anggota rong golongan asam lemak, kang siji duwé 16 karbon] lan kang sijiné duwé 18 karbon.[1] Lilin kutikula ngemot hidrokarbon rante dawa kang uga duwé sithik oksigen.[1] Akèh lilin kang ngandhut asam lemak rante dawa teresterifikasi kanthi alkohol monohidrat rante dawa, nanging lilin uga ngandhut alkohol, aldehida, lan keton rante dawa bébas.[1]

Uga delengen[besut | besut sumber]

Cathetan suku[besut | besut sumber]

  1. ^ a b c d e f g h i Salisbury FB, Ross CW. 1995. Fisiologi Tumbuhan, Jilid 2. penerjemah: Lukman DR, Sumaryono. Bandung:Penerbit ITB. Hal:139-140. ISBN 979-8591-27-5
  2. ^ Kolattukudy PE. 1987. Lipid-derived defensive polymers and waxes and their role in plant-microbe interaction. dalam Stumpf (editor). The Metbolism, Structure and Function of Plant Lipids. New York & London:Plenum Press. Hal:291-314.