Suberin

Saka Wikipédia Jawa, bauwarna bébas abasa Jawa

Suberin ya iku lapisan panjaga tanduran ing ngisor lemah.[1] Suberin uga jagasel gabus kang kabentuk ing kulit wit déning kegiyatan pangremukan saka pertumbuhan sekunder, lan iki kabentuk saka akèh sel minangka jaringan tatu sawisé sikepan (tuladane sawisé rontoke godhong lan ing tatu umbi kenthang kang bakal ditandur).[1] Suberin uga ana ing dhindhing sel oyot kang ora tatu minangka pita Caspari ing endodermis lan eksodermis sarta ing seludang berkas pembuluh ing sesuketan.[1] Tanduran mbentuk suberin yèn pangowahan kanthi fisiologis utawa pawowahan perkembangan, utawa faktor cekaman, nyebabake tanduran perlu nggondeli difusi.[2] Ananging ing tingkat molekul, kedadeyan kang nyebabake kabentuke suberin durung dingerterni.[1] Pérangan lipid kang duwé lilin (nganti tekan setengah total suberin) ya iku campuran kompleks asam lemak rante dawa, asam lemak terhidroksi, asam dikarboksilat, lan alkohol rante dawa.[1] Akeh0akehe golongan iki duwé punjul 16 atom karbon.[1] Suberin turahane ngandhut senyawa fenol kanthi asam ferulat minangka komponèn mliginé.[1] Kaya ing kutin, fenol iki diperkirakake ngiket fraksi lipid saka suberin tekan dhindhing sel.[1] Dadi suberin sarupa karo kutin amarga saklorone duwé fraksi poliester lipid utama, ananging suberin duwé luwih akèh fraksi fenol ing jinis asam lemake.[1]

Uga delengen[besut | besut sumber]

Cathetan suku[besut | besut sumber]

  1. ^ a b c d e f g h i Salisbury FB, Ross CW. 1995. Fisiologi Tumbuhan, Jilid 2. penerjemah: Lukman DR, Sumaryono. Bandung:Penerbit ITB. Hal:139-140. ISBN 979-8591-27-5
  2. ^ Kolattukudy PE. 1987. Lipid-derived defensive polymers and waxes and their role in plant-microbe interaction. dalam Stumpf (editor). The Metbolism, Structure and Function of Plant Lipids. New York & London:Plenum Press. Hal:291-314.