Ketep Pass

Saka Wikipédia Jawa, bauwarna bébas abasa Jawa
Jump to navigation Jump to search
Keteppass.jpg

Ketep Pass ya iku objek wisata ing Ketep, Sawangan, Magelang, Jawa Tengah.[1] Ketep Pass iki kalebu Obyek Wisata alam kang duwé ciri khas wisata kegunungapian, khususé Gunung Merapi.[1] Tanggal 17 Oktober 2002, Ketep Pass diresmikake dadi panggonan wisata jalur SalaSeloBorobudur (SSB) déning Présidhèn kaping 5 Megawati Soekarnoputri.[1]

Papan Panggonan Ketep Pass[besut | besut sumber]

Papan panggonan Ketep Pass ana ing dhuwur Bukit Sawangan (tengah-tengah antarané Gunung Merapi lan Gunung Merbabu).[1] Ketep Pass ana ing papan panggonan kang dhuwure 1200 mèter lan ambané kira-kira 8000 mèter persegi.[1] Ketep pass iki jarake 21 km saka Mungkid, 17 km saka Désa Blabak arah wétan, 30 km saka Kota Magelang, 35 km saka Kota Boyolali, lan 30 km saka Candhi Borobudur.[1] Saka Kota Salatiga sing jarake kira-kira 32 km, Ketep Pass bisa diliwati saka Kopeng lan Désa Kaponan.[1] Papan panggonan wisata Ketep Pass iki gampang diliwati, bisa nganggo bis gedhé,minibus, sedan utawa sepeda motor, amarga dalane ora angèl lan kepénak diliwati.[1]

Gunane[besut | besut sumber]

Ketep Pass ini gunané warna-warna,yaitu:

  1. Kanggo dokumentasi, tuladhané anané filem dokumenter sing diputer ing biyoskup mini.[2]
  2. Kanggo paraga, kanggo nyimpen data-data Gunung Merapi kang ana ing Volcano Centre.[2]
  3. Kanggo edukasi, bisa didelok ana ing Volcano Centre lan Volcano Theatre.[2]
  4. Kanggo panalitèn.[2]
  5. Kanggo wisata utawa rekreasi.[2]

Fasilitas[besut | besut sumber]

Museum Vulkanologi[besut | besut sumber]

Museum iki ambané kurang luwih 550 m persegi.[1] Ing jerone ana miniatur Gunung Merapi, komputer interaktif sing isiné dokomen, warna-warna tuladha watu saka bukti mbledose gunung merapi, poster dhuwur garuda sing ukurane 3x3m, poster pengetan wlahar Gunung Merapi, lan uga ana foto lan poster sing nggambarke critane gunung merapi.[1]

Bioskop mini[besut | besut sumber]

Bioskop iki ruangane cukup amba, yaitu kira-kira bisa dipanggoni 78 kursi.[1] Bioskop iki muterke filem sejarahe Gunung Merapi, tuladhané prastawa dumadine Gunung Merapi, jalur-jalur pendakian,panaliten ing puncak Garuda, mbledose Gunung Merapi, lan prastawa-prastawa liyané. Film-filem mau diputer kira-kira 25 menit.[1]

Teropong[besut | besut sumber]

Cacahe teropong sing ana ing Ketep Pass iki, ya iku ana loro.[1] Panggonane ana ing dhuwur Panca Arga lan Gardu Pandang. Nganggo teropong iki, para pengunjung bisa ndelok kanthi jelas kaendahan Gunung Merapi, Merbabu lan gunung-gunung yang liyané.[1]

Plataran Panca Arga[besut | besut sumber]

Panca Arga tegesé ya iku Lima Gunung.[1] Panca Arga iki ya iku puncak sing paling dhuwur dhéwé ing Wisata Ketep Pass.[1] Saka puncak sing paling dhuwur iki para pengunjung bisa nonton 5 gunung, ya iku Merapi, Merbabu, Sindoro, Sumbing, lan Slamet.[1] Saliyané 5 Gunung mau, pengunjung uga bisa ndeleng gunung-gunung cilik liyané, ya iku Gunung Tidar, Gunung Andong, Gunung Pring, Bukit Menoreh, Bukit Telomoyo, lsp.[1]

Gardu pandang[besut | besut sumber]

Gardu pandang iki arupa gazebo kang cacahé 2, ukurane papat persegi panjang lan yasan segi wolu sing dawane 5 mèter.[1] Saka Gardu Pandang iki, pengujung bisa nonton endahe Gunung Merapi lan Merbabu.[1]

Liyane[besut | besut sumber]

  • Panggonan parkir sing amba.[2]
  • Restoran.[2]
  • Mushola sing ambané 10 km² lan wis lengkap ana toilet.[2]

Cathetan suku[besut | besut sumber]

  1. ^ a b c d e f g h i j k l m n o p q r s t OBYEK WISATA KETEP PASS (Dipuntingali tanggal 8 Juni 2011)
  2. ^ a b c d e f g h Ketep Pass-Vulkanologi (Dipuntingali tanggal 8 Juni 2011)